കാസര്‍കോട്: ആണങ്കൂര്‍ ദേശീയപാതയോരം മാലിന്യ കൂമ്പാരം മൂലം ചീഞ്ഞു നാറുന്നു. കാസര്‍കോട് നഗരസഭാ പരിധിയിലെ ആണങ്കൂര്‍ മേഖലയിലെ ദേശീയപാതയാണ് മാലിന്യം നിറഞ്ഞു കാല്‍നടയാത്രയും വാഹനയാത്രയും ദുസ്സഹമാക്കുന്നത്. ആണങ്കൂര്‍ ദേശീയപാതയില്‍ ഇരുവശത്തും മാലിന്യം തള്ളുന്നതു പതിവാണ്.
ഇവിടെ തള്ളിയ മാലിന്യം നീക്കം ചെയ്യാനോ മാലിന്യം തള്ളുന്നതു തടയാനോ അധികൃതര്‍ ഒരു നടപടിയും സ്വീകരിക്കുന്നില്ല. റോഡിലും പരിസരത്തും ചീഞ്ഞളിഞ്ഞ നിലയില്‍ മാലിന്യം കുന്നുകൂടി കിടക്കുകയാണ്. പ്ലാസ്റ്റിക് കവറുകളില്‍ പൊതിഞ്ഞാണു പലരും റോഡിന്റെ ഇരുവശത്തും മാലിന്യം തള്ളുന്നത്.
ഭക്ഷണ പദാര്‍ഥങ്ങള്‍ അടക്കമുള്ള മാലിന്യം റോഡരികില്‍ തള്ളുന്നതു മൂലം ഈ മേഖലയില്‍ തെരുവുനായകളുടെ ശല്യവും രൂക്ഷമാണ്.