മക്ക: നാൽപത്തി മൂന്നാമത് കിംഗ് ഫൈസൽ അന്താരാഷ്‌ട്ര പുരസ്‌കാരം പ്രഖ്യാപിച്ചു. ഭരണാധികാരി സൽമാൻ ബിൻ അബ്ദുൽ അസീസ് രാജാവിന്റെ ഉപദേഷ്ടാവും കിംഗ് ഫൈസൽ ഫൗണ്ടേഷൻ സി.ഇ.ഒയുമായ മക്ക ഗവർണർ ഖാലിദ് അൽഫൈസൽ രാജകുമാരനാണ് പുരസ്‌കാര ജേതാക്കളുടെ പേരുകൾ പ്രഖ്യാപിച്ചത്. വിവിധ മേഖലകളിൽ അഞ്ചു പേരാണ് പുരസ്‌കാരത്തിന് അർഹരായത്. ഇസ്‌ലാമിക സേവനത്തിനുള്ള കിംഗ് ഫൈസൽ അന്താരാഷ്ട്ര പുരസ്‌കാരം കുവൈത്തിലെ മുഹമ്മദ് ബിൻ അബ്ദുറഹ്മാൻ അൽശാരിഖിന് ലഭിച്ചു. മൊറോക്കോയിലെ പ്രൊഫസർ മുഹമ്മദ് മുശ്ബാൽ (അറബി സാഹിത്യം), ന്യൂറോളജിക്കൽ വിദഗ്ധരായ അമേരിക്കയിലെ പ്രൊഫസർ സ്റ്റീഫൻ മാർക്ക് സ്ട്രിറ്റ്മാറ്റർ, യു.കെയിലെ പ്രൊഫസർ റോബിൻ ജെയിംസ് മിൽറോയ് ഫ്രാങ്ക്‌ലിൻ (വൈദ്യശാസ്ത്രം), യു.കെയിലെ പ്രൊഫസർ സ്റ്റുവാർട്ട് സ്റ്റീഫൻ പാപ്‌വൊർത്ത് പാർകിൻ (ഫിസിക്‌സ്) എന്നിവർക്കാണ് മറ്റ് ശാഖകളിലെ പുരസ്‌കാരങ്ങൾ. ഇസ്‌ലാമിക് സ്റ്റഡീസിൽ ഈ വർഷം പുരസ്‌കാരമില്ല.

      വിശുദ്ധ ഖുർആനിന് വേണ്ടി ആദ്യത്തെ കംപ്യൂട്ടർ പ്രോഗ്രാം തയാറാക്കിയ മുഹമ്മദ് ബിൻ അബ്ദുറഹ്മാൻ അൽശാരിഖ് കംപ്യൂട്ടർ പ്രോഗ്രാം മേഖലയിലെ സഖർ കമ്പനി സി.ഇ.ഒയാണ്. ഒമ്പത് ഹദീസ് ഗ്രന്ഥങ്ങൾ ഇംഗ്ലീഷിലേക്ക് വിവർത്തനം ചെയ്‌ത ഇദ്ദേഹം ഹദീസ്, കർമശാസ്ത്രം എന്നിവയിൽ വിശ്വവിജ്ഞാന കോശവും തയാറാക്കിയിട്ടുണ്ട്. 

മുഹമ്മദ് മുഖ്താർ മിഷ്ബാൽ

     മൊറോക്കോയിലെ അബ്ദുൽ മാലിക് സാദി സർവകലാശാലയിലെ പ്രൊഫസറായ മുഹമ്മദ് മുഖ്താർ മിഷ്ബാൽ "പുതിയ വാചാടോപം" എന്ന വിഷയത്തിൽ അറബി ഭാഷയ്ക്കും സാഹിത്യത്തിനും നൽകിയ സംഭാവനയാണ് അവാർഡ് ജേതാവാക്കിയത്. വാചാടോപ ഗവേഷണത്തെ സാഹിത്യം, ഭാഷ, ആശയവിനിമയം എന്നീ മേഖലകളുമായി ബന്ധിപ്പിക്കാൻ ശ്രമിക്കുന്നതായും കണ്ടെത്തി. 

[caption id="attachment_926866" align="alignnone" width="360"] ഡോ. സ്റ്റീഫൻ മാർക്ക് സ്ട്രെറ്റ്മാറ്റർ[/caption] [caption id="attachment_926867" align="alignnone" width="360"] ഡോ: റോബിൻ ജെയിംസ് ഫ്രാങ്ക്ലിൻ[/caption]

     ന്യൂറോളജിക്കൽ കേസുകളിലെ റീജനറേറ്റീവ് മെഡിസിൻ എന്ന വിഷയത്തിലാണ് അമേരിക്കയിലെ യൂണിവേഴ്സിറ്റിയിലെ പ്രൊഫസർ ഡോ. സ്റ്റീഫൻ മാർക്ക് സ്ട്രെറ്റ്മാറ്റർ അവാർഡിന് അർഹനായത്. ബ്രിട്ടനിലെ ഡോ: റോബിൻ ജെയിംസ് ഫ്രാങ്ക്ലിനും വൈദ്യ ശാസ്‌ത്രത്തിൽ അവാർഡിന് അർഹനായി

[caption id="attachment_926865" align="alignnone" width="360"] ഡോ. സ്റ്റുവർട്ട് സ്റ്റീഫൻ[/caption]

     മാർട്ടിൻ ലൂതർ യൂണിവേഴ്സിറ്റി ഹാൾ-വിറ്റൻബെർഗിലെ പ്രൊഫസറും ജർമ്മനിയിലെ മാക്സ് പ്ലാങ്ക് ഇൻസ്റ്റിറ്റ്യൂട്ട് ഫോർ മൈക്രോഫിസിക്സ് ഡയറക്ടറുമായ ഡോ. സ്റ്റുവർട്ട് സ്റ്റീഫൻ പാർക്കിൻ, റൊട്ടേഷൻ ജ്യാമിതി ഉപയോഗിച്ച് സംഭരണ ഉപകരണങ്ങളെ പ്രാപ്തമാക്കുന്നതിലെ പുതുമകൾക്കാണ് അവാർഡ് ജേതാവായത്. കാന്തിക ഡ്രൈവുകളുടെ സംഭരണ ശേഷി (1000) മടങ്ങ് വർദ്ധിപ്പിക്കാൻ ഇത് കാരണമായി. ഇത് മൂലം വലിയ ഡാറ്റാ വിപ്ലവത്തിലേക്ക് നയിക്കുന്ന പ്രായോഗിക സാങ്കേതിക വിദ്യകൾ വികസിപ്പിച്ചെ ടുക്കാനായിട്ടുണ്ട്.

     1979 ൽ അവാർഡ് പ്രഖ്യാപനം മുതൽ ഇതുവരെ 43 രാജ്യങ്ങളിൽനിന്നായി 275 പേർക്കാണ് അവാർഡ് വിതരണം ചെയ്തത്. ഖാലിദ് രാജാവ്, ഫഹദ് രാജാവ്, അഹമ്മദ് ദീദാത്ത്, ഷാർജ ഭരണാധികാരി ഡോ: സുൽത്താൻ അൽഖാസിമി, സാക്കിർ നായിക്ക്, സൽമാൻ രാജാവ് എന്നിവരാണ് മുൻ വർഷങ്ങളിൽ അവാർഡ് നേടിയ പ്രമുഖർ. സർട്ടിഫിക്കറ്റും 200 ഗ്രാം തൂക്കമുള്ള 24 കാരറ്റ് സ്വർണമെഡലും ഏഴ് ലക്ഷത്തി അമ്പതിനായിരം റിയാലുമാണ് പുരസ്‌കാരം.