തിരുവനന്തപുരം: സംസ്ഥാനത്തെ കോണ്‍ഗ്രസ് നേതൃത്വത്തെ നോക്കുകുത്തിയാക്കുന്ന തീരുമാനങ്ങള്‍ രമേശ് ചെന്നിത്തല കൈക്കൊള്ളുന്നതായതായി കെ.പി.സി.സി നേതൃത്വം.മുന്‍കാലങ്ങളില്‍ കോണ്‍ഗ്രസില്‍ ഇല്ലാതിരുന്ന പ്രവണതയാണ് ഇത്. ഇത്തരകാര്യങ്ങളില്‍ മുന്‍ഗാമികള്‍ നേതൃത്വവുമായി ചര്‍ച്ച നടത്തിയിരുന്നുവെന്നും കെ പി സി സി നേതൃത്വം ചൂണ്ടിക്കാണിക്കുന്നു. ഇക്കാര്യത്തിലെ അതൃപ്തി നേതൃത്വം രമേശ് ചെന്നിത്തലയെ നേരിട്ട് അറിയിക്കും.

നിരാകരണ പ്രമേയം കൊണ്ടുവരുമെന്ന പ്രഖ്യാപനവും ബിന്ദുവിനെതിരെ കോടതിയില്‍ പോയതും പാര്‍ട്ടില്‍ കൂടിയാലോചന നടത്താതെയാണെന്നും ആക്ഷേപമുണ്ട്.

നിയമസഭയില്‍ സ്വീകരിക്കാന്‍ പോകുന്ന നയപരമായ തീരുമാനങ്ങള്‍ നിലവിലെ പ്രതിപക്ഷ നേതാവ് പറയുന്നതിന് പകരം മുന്‍ പ്രതിപക്ഷ നേതാവ് പറയുന്നതില്‍ മുന്നണിയിലെ മറ്റ് ചില കക്ഷികളും അതൃപ്തി പ്രകടിപ്പിച്ചിട്ടുണ്ടെന്നാണ് സൂചന.