കൊച്ചി: കൊച്ചി ഇടപ്പള്ളി മാമംഗലത്തെ ഹോട്ടല്‍ കേന്ദ്രീകരിച്ച് ലഹരി വില്‍പന. മാരക മയക്കുമരുന്നായ 55 ഗ്രാം എം.ഡി.എം.എ കണ്ടെടുത്തു. ലഹരി ഇടപാടിനെത്തിയ എട്ടുപേര്‍ പിടിയിലായിട്ടുണ്ട്. ലഹരി മരുന്ന് വില്‍ക്കാനെത്തിയ നാലുപേരും വാങ്ങാനെത്തിയ നാലുപേരും ആണ് പിടിയിലായത്. സംഘത്തില്‍ ഒരു യുവതിയുമുണ്ട്. ഇവര്‍ ഉപയോഗിച്ച മൂന്ന് കാറുകളും കസ്റ്റഡിയിലെടുത്തിട്ടുണ്ട്.

പൊലിസും എക്‌സൈസൈസും സംയുക്തമായാണ് തെരച്ചില്‍ നടത്തിയത്. ഇന്ന് പുലര്‍ച്ചെയാണ് മിന്നല്‍ പരിശോധന നടത്തിയത്. നൈജീരിയന്‍ സ്വദേശികളാണ് ലഹരി എത്തിച്ചതെന്നാണ് പ്രതികള്‍ പറയുന്നത്. നേരത്തെ ലഹരി ഇടപാട് കേസുകളില്‍ പ്രതികളാണ് ഇവരെന്ന് പൊലിസ് പറയുന്നു.

കഴിഞ്ഞ ദിവസം കോഴിക്കോട് നിന്നും 20 ലക്ഷം രൂപ വില വരുന്ന മയക്കു മരുന്ന് പിടികൂടിയിരുന്നു. പ്രണയദിനത്തില്‍ വിതരണം ചെയ്യാനായി കോഴിക്കോടെത്തിച്ച എം.ഡി.എം.എയും 25 എല്‍.എസ്.ഡി സാമ്പിളുകളുമാണ് പിടികൂടിയത്.

താമരശ്ശേരി അമ്പായത്തോട് സ്വദേശി റോഷനെയും എക്‌സൈസ് കോഴിക്കോട് മാങ്കാവില്‍ നിന്നു കസ്റ്റഡിയിലെടുത്തു. പിടികൂടിയ ലഹരി മരുന്നുകള്‍ക്ക് 20 ലക്ഷം രൂപയുടെ വില വരുമെന്ന് എക്‌സൈസ് അധികൃതര്‍ വ്യക്തമാക്കി.