കൊച്ചി: രമേശ് ചെന്നിത്തല നയിക്കുന്ന ഐശ്വര്യ കേരളയാത്രയ്ക്ക് പിന്തുണയുമായി എത്തിയ പൊലിസുകാര്‍ക്ക് സസ്‌പെന്‍ഷന്‍. കൊച്ചി സിറ്റി പൊലിസ് കമ്മീഷണര്‍ ആണ് ഇതുസംബന്ധിച്ച ഉത്തരവുപ്രകാരം എ.എസ്.ഐമാരായ ഷിബു ചെറിയാന്‍, ജോസഫ് ആന്റണി, ബിജു, സീനിയര്‍ സി.പി.ഒ സില്‍ജന്‍ തുടങ്ങിയ ആറ് പൊലിസുകാര്‍ക്കാണ് സസ്‌പെന്‍ഷന്‍.
എറണാകുളം ജില്ലയിലെ നാല് പൊലിസ് ഉദ്യോഗസ്ഥരാണ് ഡി.സി.സി ഓഫീസിലെത്തി പ്രതിപക്ഷ നേതാവിനെ ഷാള്‍ അണിയിച്ചത്. മുല്ലപ്പളളി രാമചന്ദ്രനൊപ്പം ഇവര്‍ ഗ്രൂപ്പ് ഫോട്ടോ എടുക്കുകയും ചെയ്തിരുന്നു. സംഭവം വിവാദമായതോടെയാണ് ഉദ്യോഗസ്ഥര്‍ക്കെതിരെ സ്‌പെഷ്യല്‍ ബ്രാഞ്ച് പ്രാഥമിക അന്വേഷിച്ച് റിപ്പോര്‍ട്ട് നല്‍കിയത്.