ജിദ്ദ: മുൻ ജിദ്ദ പ്രവാസി ഹൃദയാഘാതം മൂലം നാട്ടിൽ നിര്യാതനായി. മലപ്പുറം ജില്ലയിലെ കാടാമ്പുഴക്ക് സമീപം മൂലാഞ്ചോല ശാന്തി നഗർ സ്വദേശി സുബൈർ കൊരട്ടിയൻ (50) ആണ് ഇന്ന് രാവിലെ മരണപ്പെട്ടത്. മുമ്പ് ജിദ്ദയിലെ ഒരു സ്വകാര്യ കമ്പനിയിൽ പതിനാല് വര്‍ഷം ജോലി ചെയ്തിരുന്നു.

   പ്രവാസം നിർത്തി നാട്ടിലെത്തിയ ശേഷം ഇദ്ദേഹം മൽസ്യ കച്ചവടം നടത്തി വരികയായിരുന്നു. ഉച്ചക്ക് ശേഷം ബന്ധുക്കളുടെയും നാട്ടുകാരുടെയും സാന്നിധ്യത്തിൽ റഹ്‍മത്താബാദ് ജുമാ മസ്ജിദ് ഖബർസ്ഥാനിൽ മയ്യിത്ത് ഖബറടക്കം നടത്തി. 

    ഭാര്യ: ഫാത്തിമ. മക്കളില്ല. സഹോദരങ്ങൾ: കുഞ്ഞി മൊയ്‌ദീൻ കുട്ടി, അബ്ദുന്നാസർ, ശറഫുദ്ധീൻ (ജിദ്ദ), ഇത്തിരിക്കുട്ടി, ഫാത്തിമ