കോഴിക്കോട്: കോഴിക്കോട് മണിയൂരില്‍ ബോംബ് നിര്‍മ്മാണത്തിനിടെ ഉണ്ടായ സ്‌ഫോടനത്തില്‍ ഗുരുതരമായി പരിക്കേറ്റ ആര്‍ എസ് എസ് പ്രവര്‍ത്തകനെതിരെ പൊലിസ് കേസെടുത്തു. ആര്‍.എസ്.എസ് പ്രവര്‍ത്തകന്‍ ഹരി പ്രസാദിനെതിരെയാണ് വടകര പൊലിസ് കേസെടുത്തത്. വടകര ചെരണ്ടത്തൂരില്‍ ഇന്നലെ വൈകീട്ടാണ് സ്‌ഫോടനം ഉണ്ടായത്.

പരിക്കേറ്റ ഹരിപ്രസാദിന്റെ നില ഗുരുതമായി തുടരുകയാണ്. സ്‌ഫോടനത്തില്‍ ഹരിപ്രസാദിന്റെ കൈപത്തി തകര്‍ന്നിരുന്നു. മുഴിക്കല്‍ സ്വദേശിയായ ഹരിപ്രസാദിനെ മെഡിക്കല്‍ കോളജില്‍ പ്രവേശിപ്പിച്ചിരിക്കുകയാണ്.

ബോംബ് സ്‌ഫോടനം നടന്ന വീട് പരിശോധിച്ച പൊലിസിന് സ്‌ഫോടക വസ്തുക്കളുടെ അവശിഷ്ടങ്ങള്‍ ലഭിച്ചിരുന്നു. വിശദമായ അന്വേഷണം നടത്തുമെന്ന് വടകര പൊലിസ് അറിയിച്ചു.