പേരാമ്പ്ര: ദയ പാലിയേറ്റിവ് കെയര്‍ സെന്റര്‍ ജിദ്ദ ചാപ്റ്ററിന്റെ സഹായത്തോടെ നിര്‍മിച്ച ഓഡിറ്റോറിയത്തിന്റെയും പരിചരണ പരിശീലന കേന്ദ്രത്തിന്റെയും ഉദ്ഘാടനം തൊഴില്‍ മന്ത്രി ടി.പി രാമകൃഷ്ണന്‍ നിര്‍വഹിക്കുമെന്നു സംഘാടകര്‍ വാര്‍ത്താസമ്മേളനത്തില്‍ അറിയിച്ചു. ദയയില്‍ ദുബൈ ചാപ്റ്റര്‍ സഹായത്തോടെ ആരംഭിക്കുന്ന ഫിസിയോ തെറാപ്പി സെന്ററിന്റെ ഉദ്ഘാടനവും ചടങ്ങില്‍ നടക്കും.
മികച്ച പാലിയേറ്റിവ് പ്രവര്‍ത്തകര്‍ ദിനേശന്‍ പേരാമ്പ്രക്ക് ഉപഹാര സമര്‍പ്പണം നടത്തും. വാര്‍ത്താസമ്മേളനത്തില്‍ കെ. ഇമ്പിച്ച്യാലി, സുരേഷ് പാലോട്ട്, ഇ.പി കുഞ്ഞബ്ദുല്ല, ഡോ. ഇസ്മാഈല്‍ മരുതേരി, ഡോ. ഒ. ഷജീം, മുഹമ്മദ് ഷാഫി, കെ.എം ശ്രീനിവാസന്‍, ആര്‍.കെ കുഞ്ഞബ്ദുല്ല പങ്കെടുത്തു.