HOME
DETAILS

ദാവൂദുമായി ബന്ധമാരോപിച്ച് നവാബ് മാലിക്കിനെ ഇ.ഡി അറസ്റ്റ് ചെയ്തു

  
backup
February 23 2022 | 21:02 PM

%e0%b4%a6%e0%b4%be%e0%b4%b5%e0%b5%82%e0%b4%a6%e0%b5%81%e0%b4%ae%e0%b4%be%e0%b4%af%e0%b4%bf-%e0%b4%ac%e0%b4%a8%e0%b5%8d%e0%b4%a7%e0%b4%ae%e0%b4%be%e0%b4%b0%e0%b5%8b%e0%b4%aa%e0%b4%bf%e0%b4%9a%e0%b5%8d


മുംബൈ
മുതിർന്ന എൻ.സി.പി നേതാവും മഹാരാഷ്ട്ര ന്യൂനപക്ഷ ക്ഷേമ മന്ത്രിയുമായ നവാബ് മാലിക്കിനെ എൻഫോഴ്‌സ്‌മെന്റ് ഡയരക്ടറേറ്റ് (ഇ.ഡി) അറസ്റ്റ് ചെയ്തു. മുംബൈ ദാവൂദ് ഇബ്‌റാഹിം ഉൾപ്പെട്ട അധോലോകവുമായി ബന്ധപ്പെട്ട കള്ളപ്പണം വെളുപ്പിക്കൽ കേസിലാണ് അറസ്റ്റ്. നവാബ് മാലിക്കിനെ ചോദ്യംചെയ്ത ശേഷം അറസ്റ്റ് രേഖപ്പെടുത്തുകയായിരുന്നു.
എട്ടു മണിക്കൂർ നീണ്ട ചോദ്യംചെയ്യലിനു ശേഷമായിരുന്നു അറസ്റ്റ്. തന്നെ നിർബന്ധിച്ച് ഇവിടെ കൊണ്ടുവരികയായിരുന്നുവെന്ന് നവാബ് മാലിക്ക് പറഞ്ഞു. തങ്ങൾ പൊരുതി വിജയം നേടുമെന്നും തകർക്കാനാകുമെന്ന് കരുതേണ്ടെന്നും അദ്ദേഹം സൂചിപ്പിച്ചു. എല്ലാവരെയും തുറന്നുകാട്ടുമെന്നും വൈദ്യ പരിശോധനയ്ക്കായി സർക്കാർ നിയന്ത്രണത്തിലുള്ള ജെ.ജെ ആശുപത്രിയിൽ എത്തിച്ചപ്പോൾ നവാബ് മാലിക് കൂട്ടിച്ചേർത്തു.
ദാവൂദ് ഇബ്‌റാഹിമുമായി ബന്ധപ്പെട്ട ഭൂമി ഇടപാടിൽ നവാബ് മാലിക്കിന് ബന്ധമുണ്ടെന്നാണ് ഇ.ഡിയുടെ ആരോപണം. അന്വേഷണവുമായി അദ്ദേഹം സഹകരിക്കുന്നില്ലെന്നും ഇ.ഡി പറഞ്ഞു. കഴിഞ്ഞ നാലു മാസത്തിനിടെ കേന്ദ്ര ഏജൻസി അറസ്റ്റ് ചെയ്യുന്ന രണ്ടാമത്തെ മഹാരാഷ്ട്ര മന്ത്രിയാണ് നവാബ് മാലിക്ക്. നവംബറിൽ മുൻ മന്ത്രി അനിൽ ദേശ്മുഖിനെ ഇ.ഡി അറസ്റ്റ് ചെയ്തിരുന്നു.
ഇന്നലെ എൻ.സി.പി അധ്യക്ഷൻ ശരദ് പവാർ തന്റെ വസതിയിൽ പാർട്ടിയുടെ അടിയന്തര യോഗം വിളിച്ചു. കഴിഞ്ഞ 15ന് ദാവൂദിന്റെ സഹാദരി ഹസീന പരേക്കർ, സഹോദരൻ ഇഖ്ബാൽ കാസ്‌കർ, ഛോട്ടാ ഷക്കീലിന്റെ ബന്ധു സാലിം ഖുറേഷി എന്ന സലീം ഫ്രൂട്ട് തുടങ്ങിയവരുടേതടക്കം 10 കേന്ദ്രങ്ങളിൽ ഇ.ഡി റെയ്ഡ് നടത്തിയിരുന്നു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."