അഹമ്മദാബാദ്, സൂറത്ത്, വഡോദര, രാജ്‌കോട്ട്, ഭാവ്‌നഗര്‍, ജാംനഗര്‍ എന്നീ മുനിസിപ്പല്‍ കോര്‍പറേഷനുകളാണ് ബി.ജെ.പി നേടിയത്. ഏറ്റവും അവസാനത്തെ റിപ്പോര്‍ട്ട് പ്രകാരം തെരഞ്ഞെടുപ്പ് നടന്ന 575 സീറ്റുകളില്‍ 451 സീറ്റുകള്‍ ബി.ജെ.പിക്കാണ്. കോണ്‍ഗ്രസ് 44 സീറ്റു നേടി. ആംആദ്മി പാര്‍ട്ടി 27, എ.ഐ.എം.ഐ.എം ഏഴ്, ബി.എസ്.പി മൂന്ന് സീറ്റുകളും നേടി. ആംആദ്മി പാര്‍ട്ടിയുടെ സീറ്റുകളെല്ലാം സൂറത്തിലാണ്. ഇവിടെ കോണ്‍ഗ്രസിന് ഒരു സീറ്റു പോലുമില്ല. ആംആദ്മി പാര്‍ട്ടിയാണ് പ്രതിപക്ഷം. അഹമ്മദാബാദില്‍ ഏഴു സീറ്റുകള്‍ നേടി എ.ഐ.എം.ഐ.എം ശ്രദ്ധേയമായി. ഞായറാഴ്ചയാണ് തെരഞ്ഞെടുപ്പ് നടന്നത്.