കൊച്ചി :തൃക്കാക്കരയില്‍ ഗുരുതരമായി പരുക്കേറ്റ നിലയില്‍ ആശുപത്രിയില്‍ പ്രവേശിപ്പിക്കപ്പെട്ട രണ്ടര വയസുകാരിയുടെ നില ഗുരുതരമായി തുടരുന്നു .കുട്ടി ഇപ്പോഴും ഐ.സി.യുവില്‍ തന്നെ ചികിത്സയില്‍ തുടരുകയാണ്.
തലച്ചോറിലെ നീര്‍ക്കെട്ടില്‍ കാര്യമായ കുറവ് വന്നാലേ പൂര്‍ണമായും അപകടനില തരണം ചെയ്തു എന്ന് പറയാനാകൂ.കണ്ണ് തുറക്കാനും ആഹാരം കഴിക്കാനും കുട്ടിക്ക് കഴിയുന്നുണ്ടെങ്കിലും എഴുന്നേറ്റിരിക്കാനും സംസാരിക്കാനും തുടങ്ങിയിട്ടില്ല.കുട്ടിയുടെ സംരക്ഷണം ഏറ്റെടുക്കുമെന്ന് ഇന്നലെ സി.ഡബ്ല്യു.സി അറിയിച്ചിരുന്നു. കുട്ടിക്ക് സ0രക്ഷണം ഉറപ്പാക്കുന്നതില്‍ അമ്മയ്ക്ക് വീഴ്ച പറ്റിയെന്ന് വ്യക്തമായ സാഹചര്യത്തിലാണ് കുട്ടിയുടെ സംരക്ഷണം ഏറ്റെടുക്കുമെന്ന് സി.ഡബ്ല്യു.സി അറിയിച്ചത്. കുട്ടിയെ വേണമെന്ന അച്ഛന്റെ ആവശ്യത്തില്‍ വിശദമായ അന്വേഷണം നടത്തിയ ശേഷം തീരുമാനം എടുക്കും.