കൊച്ചി : വൈറ്റില പൊന്നുരുത്തിക്ക് സമീപം റെയില്‍ പാളത്തില്‍ മുപ്പത് കിലോ ഭാരമുള്ള കല്ല് കണ്ടെത്തിയ സംഭവത്തില്‍ അന്വേഷണം പുരോഗമിക്കുന്നു.അട്ടിമറി സാധ്യത തള്ളാതെയാണ് അന്വേഷണം നടക്കുന്നത്.
സമീപത്തെ ഒഴിഞ്ഞു കിടക്കുന്ന ഒരു വീട്ടിലേക്കാണ് പൊലീസ് നായ മണം പിടിച്ചെത്തിയത്. ലഹരി ഉപയോഗിക്കുന്ന ഒരുസംഘം ഇവിടെ രാത്രിയില്‍ സ്ഥിരമായി എത്താറുണ്ടെന്ന് നാട്ടുകാര്‍ പറഞ്ഞു.പുലര്‍ച്ചെ രണ്ടരയോടെയാണ് സംഭവം.കൊച്ചി റിഫൈനറിയില്‍ നിന്ന് ഇന്ധനവുമായി ഗുഡ്‌സ് ട്രെയിന് കടന്നുപോയപ്പോഴാണ് കല്ല് ശ്രദ്ധയില്‍പ്പെട്ടത്. കുറഞ്ഞ വേഗതയിലായിരുന്നു ട്രെയിന്‍. അതിനാല്‍ കല്ല് പാളത്തില്‍ നിന്ന് തെറിച്ചു വീണു.ഇത് ശ്രദ്ധയില്‍പ്പെട്ട ലോക്കോ പൈലറ്റ് വിവരം അറിയിച്ചതിനെ തുടര്‍ന്ന് പൊലിസ് സ്ഥലത്തെത്തി അന്വേഷണം തുടങ്ങി.