മുംബൈ: ഇന്ധന വിലവര്‍ധന സമ്പന്നരെയും കാറിലും വലിയ വാഹനങ്ങളിലും യാത്രചെയ്യുന്നവരെ മാത്രല്ല ബാധിക്കുകയെന്നും
നിര്‍മാണ, ഗതാഗത മേഖലകളെ ബാധിച്ചാല്‍ രാജ്യമൊട്ടാകെ വിലക്കയറ്റത്തിന് കാരണമാകുമെന്നും ആര്‍.ബി.ഐ ഗവര്‍ണര്‍ ശക്തികാന്ത ദാസ്. മുംബൈ ചേംബര്‍ ഓഫ് കൊമേഴ്‌സ് ആന്‍ഡ് ഇന്‍ഡസ്ട്രിയുടെ സ്ഥാപകദിനാഘോഷത്തില്‍ സംസാരിക്കുകയായിരുന്നു അദ്ദേഹം.
സമഗ്രമേഖലെയെയും ഇന്ധന വില വര്‍ധന ദോഷകരമായി ബാധിക്കുമെന്നതിനാല്‍ നികുതി കുറയ്ക്കാന്‍ കേന്ദ്ര സംസ്ഥാന സര്‍ക്കാരുകള്‍ തയ്യാറാകണമെന്നും അദ്ദേഹം ആവശ്യപ്പെട്ടു.
നിര്‍മാണ, ഗതാഗത മേഖലകളെ ബാധിച്ചാല്‍ സ്ഥിതി ഗുരുതരമാകും. രാജ്യമൊട്ടാകെ ഇപ്പോഴത്തെ അവസ്ഥയാകില്ല ഉണ്ടാകുക. ജനങ്ങള്‍ അരക്ഷിതത്വത്തിലേക്കു കൂപ്പുകുത്തുന്ന അവസ്ഥ ഇല്ലാതാക്കണമെന്നും അദ്ദേഹം സൂചിപ്പിച്ചു.