ന്യൂഡല്‍ഹി: രാജ്യാന്തര യാത്രാ വിമാനങ്ങള്‍ക്കുള്ള നിയന്ത്രണം മാര്‍ച്ച് 31 വരെ നീട്ടിയതായി ഡയറക്ടറേറ്റ് ജനറല്‍ ഓഫ് സിവില്‍ ഏവിയേഷന്‍ അറിയിച്ചു. രാജ്യാന്തര കാര്‍ഗോ വിമാനങ്ങള്‍ക്ക് നിയന്ത്രണം ബാധകമല്ല.

കൊവിഡ് വ്യാപനം രൂക്ഷമായതോടെ കഴിഞ്ഞവര്‍ഷം മാര്‍ച്ചിലാണ് രാജ്യാന്തര വിമാനസര്‍വീസുകള്‍ക്ക് നിയന്ത്രണം ഏര്‍പ്പെടുത്തിയത്. കൊവിഡ് നിയന്ത്രണങ്ങള്‍ ഏതാണ്ട് ഒട്ടുമിക്ക് മേഖലകളിലും പിന്‍വലിച്ചെങ്കിലും രാജ്യാന്തര വിമാനസര്‍വീസ് പഴയപടിയായിട്ടില്ല.