കൊച്ചി; സിപിഐഎം സംസ്ഥാന സമ്മേളനത്തിന് കൊച്ചിയില്‍ തുടക്കമായി. സംസ്ഥാന സെക്രട്ടേറിയറ്റ് അംഗം ആത്തലവട്ടം ആനന്ദന്‍ പതാക ഉയര്‍ത്തി. കൊവിഡ് മാര്‍ഗരേഖ പാലിച്ചാകും ഇത്തവണ സമ്മേളനം നടക്കുക. മൂന്നര പതിറ്റാണ്ടിന് ശേഷമാണ് എറണാകുളം ജില്ലയിലേക്ക് പാര്‍ട്ടി സമ്മേളനം വീണ്ടുമെത്തുന്നത്. മറൈന്‍ഡ്രൈവിലെ ബി രാഘവന്‍ നഗറിലാണ് നാലുദിവസത്തെ സമ്മേളനം.

നാലുവര്‍ഷത്തെ പ്രവര്‍ത്തനം വിലയിരുത്തുന്നതിനൊപ്പം നവകേരളനിര്‍മിതിക്കായുള്ള നയരേഖയും സമ്മേളനം ചര്‍ച്ച ചെയ്യും. ഭാവി കേരളത്തിന്റെ വികസനത്തിനുള്ള കര്‍മപരിപാടികള്‍ക്ക് പുതിയ കാഴ്ചപ്പാട് നല്‍കാനുള്ള നയരേഖ ചൊവ്വ വൈകിട്ട് നാലിന് പൊളിറ്റ് ബ്യൂറോ അംഗംകൂടിയായ മുഖ്യമന്ത്രി പിണറായി വിജയന്‍ അവതരിപ്പിക്കും.