റിയാദ്: സഊദിയിൽ കൊവിഡ് വാക്‌സിൻ സ്വീകരിക്കാൻ ഇനി ക്യൂ നിൽക്കുകയോ വാക്‌സിൻ കേന്ദ്രങ്ങളിലേക്ക് കയറിച്ചെല്ലുകയോ വേണ്ട. കാറിൽ വെച്ച് തന്നെ വാക്‌സിൻ സ്വീകരിക്കാനുള്ള നടപടികളുമായി ആരോഗ്യ മന്ത്രാലയം രംഗത്തെത്തി. ആദ്യ ഘട്ടത്തിൽ റിയാദ്, മക്ക, മദീന, അബഹ എന്നീ നാല് പ്രവിശ്യകളിലാണ് ഇത് സജ്ജമാക്കിയത്. രാജ്യത്തെ മുഴുവൻ പൗരന്മാരോടും വാക്‌സിൻ സ്വീകരിക്കാൻ ആരോഗ്യ മന്ത്രാലയത്തിന്റെ "സ്വീഹതീ" ആപ് വഴി രജിസ്റ്റർ ചെയ്യാൻ മന്ത്രാലയം തുടർച്ചയായി ആവശ്യപ്പെടുന്നുണ്ട്.

     ഇതിനകം തന്നെ രാജ്യത്തെ മുഴുവൻ പ്രവിശ്യകളിലെ വാക്‌സിനേഷൻ നൽകുന്നത് പുരോഗമിക്കുകയാണ്. കൂടാതെ, ചെറു ഗ്രാമങ്ങളിലും വാക്‌സിനേഷൻ കേന്ദ്രങ്ങൾ ആരംഭിച്ചിട്ടുണ്ട്.ഇതിനകം 7.8 ലക്ഷം ആളുകൾ വാക്‌സിൻ സ്വീകരിച്ചതായാലും മന്ത്രാലയം വെളിപ്പെടുത്തി.