റിയാദ്: സഊദിയിൽ അബ്ഷിർ വഴി വിദേശികൾക്ക് ഡിജിറ്റൽ ഇഖാമ സംവിധാനം ഒരുക്കിയതായി ജവാസാത്ത് ഔദ്യോഗികമായി അറിയിച്ചു. ഇതോടെ ഇനി ഇഖാമ കാർഡുകൾ കൊണ്ട് നടക്കാതെ മൊബൈലിലെ ഡിജിറ്റൽ ഇഖാമ മതിയാകും. "അബ്ഷിർ ഇൻഡിവിജ്വൽ" ആപ്ലിക്കേഷൻ മുഖന ഡൗൺലോഡ് ചെയ്‌തു വെക്കാൻ കഴിയുന്ന ഡിജിറ്റൽ ഇഖാമ ഏതാനും ആഴ്ചകൾക്ക് മുമ്പ് തന്നെ സംവിധാനിച്ചിരുന്നെങ്കിലും ഇന്നലെയാണ് ജവാസാത് ഔദ്യോഗികമായി ഇത് ഉപയോഗിക്കാമെന്ന് അറിയിച്ചത്.

     ഇഖാമയെടുക്കാൻ മറന്നാലും ഇനി അബ്ഷിർ വഴി ഡൗൺലോഡ് ചെയ്യാൻ സാധിക്കുന്ന ഡിജിറ്റൽ ഇഖാമ മതിയാകും. എന്നാൽ അത് ഡൗൺലോഡ് ചെയ്‌തു വെച്ച മൊബൈൽ കയ്യിലുണ്ടാകണെമന്നു മാത്രം. ഇതിലെ ക്യു ആർ കോഡ് ഉപയോഗിച്ച് പരിശോധകർക്ക് വിദേശികളുടെ താമസ രേഖ മനസിലാക്കാൻ സാധിക്കുകയും അതിന്റെ നിജസ്ഥിതി അറിയാനും കഴിയും. "അബ്ഷിർ ഇൻഡിവിജ്വൽ" ആപ്ലിക്കേഷൻ മുഖന ഡൗൺലോഡ് ചെയ്‌തു വെക്കാൻ സാധിക്കുന്ന ഡിജിറ്റൽ ഇഖാമ പിന്നീട് ആവശ്യഘട്ടത്തിൽ ഇന്റർനെറ്റ് ഇല്ലാതെ തന്നെ ഉപയോഗിക്കാൻ സാധിക്കുമെന്നതും ഇതിന്റെ പ്രത്യേകയാണ്. മൊബൈലിൽ അതീവ സുരക്ഷയോടെയാണ് ഇത് സംവിധാനിച്ചിരിക്കുന്നത്.