കൊല്‍ക്കത്ത: നിയമസഭാ തെരഞ്ഞെടുപ്പ് അടുത്തു നില്‍കെ തൃണമൂല്‍ കോണ്‍ഗ്രസിനെ പ്രതിസന്ധിയിലാക്കി നേതാക്കള്‍ ബി.ജെ.പിയിലേക്ക് ചേക്കേറുന്നു. അവസാനമായി തൃണമൂല്‍ എം.പിയും നടനുമായ മിഥുന്‍ ചക്രബര്‍ത്തിയാണ് ബി.ജെ.പി പാളയത്തിലെത്തിയത്. ബ്രിഗേഡ് മൈതാനത്ത് ചേര്‍ന്ന ബി.ജെ.പി സമ്മേളനത്തിലാണ് അദ്ദേഹം അംഗത്വം സ്വീകരിച്ചത്. അഴിമതി കേസില്‍ ആരോപണ വിധേയനായ അദ്ദേഹം സജീവ രാഷ്ട്രീയത്തില്‍ നിന്ന് വിട്ടുനിന്നിരുന്നുവെങ്കിലും കഴിഞ്ഞ ദിവസം ബി.ജെ.പി ജനറല്‍ സെക്രട്ടറി കൈലാസ് വിജയവര്‍ഗിയമായി കൂടിക്കാഴ്ച്ച നടത്തിയിരുന്നു.