മലാബോ: മധ്യാഫ്രിക്കന്‍ രാജ്യമായ ഇക്വറ്റേറിയല്‍ ഗുനിയയിലെ സൈനിക ക്യാംപിലുണ്ടായ സ്‌ഫോടനത്തില്‍ 20 പേര്‍ കൊല്ലപ്പെട്ടു. അഞ്ഞൂറിലേറെ പേര്‍ക്ക് പരുക്കേറ്റതായാണ് റിപ്പോര്‍ട്ട്.

രാജ്യത്തിന്റെ സാമ്പത്തിക തലസ്ഥാനമായ ബാറ്റയിലെ നകോവ നടോമ ക്യാംപിലാണ് സ്‌ഫോടനമുണ്ടായത്. തീഗോളം കെട്ടിടത്തെ വിഴുങ്ങുന്ന ദൃശ്യം ചാനലുകള്‍ പുറത്തുവിട്ടു.

കുട്ടികളും സ്ത്രീകളും അടക്കം നിരവധി പേര്‍ക്ക് പരുക്കേറ്റു. ബാറ്റയിലെ ആശുപത്രിയില്‍ നിന്നും വന്‍ ദുരന്ത ദൃശ്യമാണ് പുറത്തുവരുന്നത്.