കൊല്ലം:കോണ്‍ഗ്രസ് നേതാവ് പിസി വിഷ്ണുനാഥിനെതിരെ കൊല്ലത്ത് പോസ്റ്ററുകള്‍. ചെങ്ങന്നൂരില്‍ പാര്‍ട്ടിയെ നശിപ്പിച്ച ദേശാടനക്കിളിയായ വിഷ്ണുനാഥിനെ കൊല്ലം മണ്ഡലത്തില്‍ കെട്ടിയിറക്കരുതെന്നും പോസ്റ്റിറ്ററില്‍ പറയുന്നു. മണ്ഡലത്തിന്റെ വിവിധ ഭാഗങ്ങളിലാണ് പോസ്റ്ററുകള്‍ പ്രത്യക്ഷപ്പെട്ടത്.

കൊല്ലം മണ്ഡലത്തില്‍ എ ഗ്രൂപ്പ് സ്ഥാനാര്‍ഥിയായി പരിഗണിക്കപ്പെടുന്നത് പി സി വിഷ്ണുനാഥിനെയാണ്.ഇതിനിടെയാണ് വിഷ്ണുനാഥിനെതിരെ നഗരത്തിന്റെ വിവിധയിടങ്ങളിലാണ് പോസ്റ്ററുകള്‍ പതിച്ചിരിക്കുന്നത്. ബിന്ദു കൃഷ്ണയാണ് കൊല്ലത്ത് അനുയോജ്യ സ്ഥാനാര്‍ഥിയെന്നും പോസ്റ്റര്‍ പറയുന്നു.

എന്‍സിപി നേതാവും നിലവിലെ മന്ത്രിയുമായ എ.കെ ശശീന്ദ്രനെതിരെ എലത്തൂരിലും അണികള്‍ പോസ്റ്റര്‍ ഒട്ടിച്ചു. തിരുവനന്തപുരം കഴക്കൂട്ടം മണ്ഡലത്തില്‍ യുഡിഎഫ് പരിഗണിക്കുന്ന ഡോ. എസ് എസ് ലാലിനെതിരെയും പ്രതിഷേധം. തൃശൂര്‍ പുതുക്കാട് സീറ്റില്‍ പെയ്ഡ് സ്ഥാനാര്‍ത്ഥിയെ നിര്‍ത്തുന്നുവെന്നാരോപിച്ചും പോസ്റ്റര്‍ പ്രത്യക്ഷപ്പെട്ടു.