പാലക്കാട്: വരുന്ന നിയമസഭാ തെരഞ്ഞെടുപ്പില്‍ ഷാഫി പറമ്പിലിനെ പാലക്കാട് നിന്ന് മാറ്റാനൊരുങ്ങി കോണ്‍ഗ്രസ്. പട്ടാമ്പി സീറ്റില്‍ ഷാഫിയെ മത്സരിപ്പിക്കാനാണ് സാധ്യത. പാലക്കാട് സീറ്റില്‍ സാധ്യതാ പട്ടികയില്‍ എ.വി ഗോപിനാഥും ഉണ്ട്. എന്നാല്‍ താന്‍ മത്സരിക്കാനില്ലെന്നാണ് ഗോപിനാഥിന്റെ പ്രതികരണം. തെരഞ്ഞെടുപ്പില്‍ മത്സരിച്ചതു കൊണ്ട് പ്രശ്‌നങ്ങള്‍ തീരില്ലെന്നും കരുത്തുറ്റ നേതൃത്വമാണ് പാര്‍ട്ടിക്കാവശ്യമെന്നും അദ്ദേഹം കൂട്ടിച്ചേര്‍ത്തു.