തിരുവനന്തപുരം: വര്‍ക്കലയില്‍ വീടിന് തീപിടിച്ച് ഒരു കുടുംബത്തിലെ അഞ്ച് പേര്‍ മരിച്ച സംഭവത്തില്‍ തീപടര്‍ന്നത് കാര്‍പോര്‍ച്ചില്‍ നിന്ന്. സംഭവത്തില്‍ വിശദമായ അന്വേഷണം നടന്നതിനെത്തുടര്‍ന്നാണ് പുതിയ കണ്ടെത്തല്‍. ഷോര്‍ട്ട് സര്‍ക്യൂട്ടാണ് അപകട കാരണമെന്നാണ് പ്രാഥമിക നിഗമനം.

തീപ്പൊരി ബൈക്കിലേക്ക് വീണതിന് പിന്നാലെയാണ് പൊട്ടിത്തെറി നടന്നത്. തീ ഉടനടി തന്നെ വീടിനുള്ളിലേക്ക് പടരുകയായിരുന്നു. സംഭവത്തിലെ അട്ടിമറി സാധ്യത പോലീസ് തള്ളി.

മരിച്ച പ്രതാപന്റെ മുംബൈയിലുള്ള മൂത്ത മകന്‍ അഹില്‍ ഇന്നലെ രാത്രി നാട്ടിലെത്തിയിരുന്നു. ഇന്നലെയുണ്ടായ തീപിടിത്തത്തില്‍ പ്രതാപന്‍ (62), ഭാര്യ ഷെര്‍ലി(52), മകന്‍ അഖില്‍ (25), മരുമകള്‍ അഭിരാമി(24), അഭിരാമിയുടെ എട്ട് മാസം പ്രായമുള്ള കുഞ്ഞ് എന്നിവരാണ് മരിച്ചത്.