ഡെറാഡൂണ്‍: ഉത്തരാഖണ്ഡ് തെരഞ്ഞെടുപ്പില്‍ മുതിര്‍ന്ന കോണ്‍ഗ്രസ് നേതാവും മുന്‍മുഖ്യമന്ത്രിയുമായ ഹരീഷ് റാവത്തിന് തോല്‍വി. ലാല്‍കുവ നിയമസഭാ സീറ്റില്‍ നിന്നാണ് ഹരീഷ് റാവത്ത് മത്സരിച്ചത്. വോട്ടെടുപ്പ് തുടങ്ങിയത് മുതല്‍ ഹരിഷ് റാവത്ത് ബഹുദൂരം പിന്നിലായിരുന്നു.

അതേ സമയം ഹരീഷ് റാവത്തിന്റെ മകള്‍ അനുപമ റാവത്ത് വിജയം നേടി. ഹരിദ്വാറിലെ റൂറല്‍ അസംബ്ലി മണ്ഡലത്തില്‍ നിന്നാണ് അനുപമ ജനവിധി തേടിയത്.

എക്‌സിറ്റ് പോള്‍ ഫലങ്ങളെല്ലാം ഇഞ്ചോടിഞ്ച് പോരാട്ടമാണ് ഉത്തരാഖണ്ഡില്‍ പ്രവചിച്ചിരുന്നത്. എന്നാല്‍ ചരിത്രം രചിച്ച് ബിജെപി ഇവിടെ ഭരണത്തുടര്‍ച്ച നേടിയിരിക്കുകയാണ്. മുഖ്യമന്ത്രിമാര്‍ രണ്ട് തവണ മാറിയിട്ടും കോണ്‍ഗ്രസിന് ഭരണവിരുദ്ധ വികാരം മുതലെടുക്കാനായില്ല.