ന്യൂഡല്‍ഹി: തെരഞ്ഞെടുപ്പിലേറ്റ പരാജയത്തിന് പിന്നാലെ ആംആദ്മിയെ അഭിനന്ദിച്ച് പഞ്ചാബ് മുന്‍മുഖ്യമന്ത്രി അമരീന്ദര്‍ സിങ്. ജനവിധി അംഗീകരിക്കുന്നുവെന്നും, എ.എ.പിക്ക് എല്ലാ വിധത്തിലുമുള്ള ആശംസകളും നേരുന്നുവെന്നും അദ്ദേഹം ട്വിറ്ററില്‍ കുറിച്ചു.

'ജനവിധിയെ വിനയത്തോടെ സ്വീകരിക്കുന്നു. ജനാധിപത്യം വിജയിച്ചു. ജാതി സമവാക്യത്തെക്കാളും പ്രാദേശിക വാദത്തേക്കാളും ഉപരിയായി പഞ്ചാബിന്റെ യഥാര്‍ത്ഥ സ്പിരിറ്റ് പഞ്ചാബികള്‍ കാണിച്ചു. ആം ആദ്മി പാര്‍ട്ടിക്കും ഭഗവന്ത് മന്നിനും അഭിനന്ദനങ്ങള്‍,' അമരീന്ദര്‍ ട്വീറ്റ് ചെയ്തു.

https://twitter.com/capt_amarinder/status/1501829790122209280

അമരീന്ദറിന്റെ സിറ്റിങ് സീറ്റുകൂടിയായ പട്യാല അര്‍ബന്‍ മണ്ഡലത്തിലായിരുന്നു അദ്ദേഹം വന്‍ പരാജയമേറ്റുവാങ്ങിയത്. രണ്ട് സീറ്റില്‍ മത്സരിച്ച മുഖ്യമന്ത്രി ചരണ്‍ജിത് സിംഗ് ചന്നി രണ്ടിലും പരാജയപ്പെട്ടപ്പോള്‍, സിദ്ദു കോണ്‍ഗ്രസിന്റെ ശക്തി കേന്ദ്രത്തില്‍ നിന്നുമാണ് പരാജയമേറ്റുവാങ്ങിയത്.

ചംകൗര്‍ സാഹേബ് മണ്ഡലത്തിലും ബാദൗര്‍ മണ്ഡലത്തിലും ചന്നി തോറ്റപ്പോള്‍, അമൃത്സര്‍ ഈസ്റ്റിലായിരുന്നു സിദ്ദുവിന്റെ തോല്‍വി.