തിരുവനന്തപുരം: അവശേഷിച്ച നാല് സീറ്റില്‍ കൂടി സി.പി.ഐ സ്ഥാനാര്‍ഥികളെ പ്രഖ്യാപിച്ചു. നാട്ടികയില്‍ സിറ്റിങ് എം.എല്‍.എ ഗീതാ ഗോപിയെ ഒഴിവാക്കി പകരം സി.സി മുകുന്ദനെ സ്ഥാനാര്‍ഥിയാക്കി. ചടയമംഗലത്ത് ജെ.ചിഞ്ചുറാണിയും ഹരിപ്പാട്ട് ആര്‍ സജിലാലും പറവൂരില്‍ എം ടി നിക്‌സണുമാണ് സ്ഥാനാര്‍ഥികള്‍.

25 സീറ്റിലാണ് സിപിഐ മത്സരിക്കുന്നത്. നേരത്തെ 21 മണ്ഡലങ്ങളിലെ സ്ഥാനാര്‍ഥികളെയാണ് സിപിഐ പ്രഖ്യാപിച്ചിരുന്നത്.