കോഴിക്കോട്: നാട്ടിക മണ്ഡലം ഇടതുമുന്നണി സ്ഥാനാര്‍ഥി മരിച്ചതായി വ്യാജ വാര്‍ത്ത നല്‍കി ബി.ജെ.പി മുഖപത്രമായ ജന്മഭൂമി. സി.പി.ഐയുടെ സി.സി. മുകുന്ദന്‍ മരിച്ചതായാണ് ചരമക്കോളത്തില്‍ വാര്‍ത്ത നല്‍കിയത്. മുകുന്ദന്റെ ചിത്രവും വ്യക്തിഗത വിവരങ്ങളും
സഹിതമാണ് വാര്‍ത്ത.

ജന്മഭൂമിയുടെ തൃശൂര്‍ എഡിഷനിലാണ് വാര്‍ത്ത. വാര്‍ത്തക്കെതിരെ പ്രതിഷേധം വ്യാപകമായതോടെ പത്രത്തിന്റെ ഇ പതിപ്പ് പിന്‍വലിച്ചു.

വ്യാജവാര്‍ത്ത നല്‍കിയ ജന്മഭൂമിക്കെതിരെ നിയമനടപടി സ്വീകരിക്കുമെന്ന് സി.പി.ഐ ജില്ലാ നേതൃത്വം അറിയിച്ചു. സംഭവത്തില്‍ പത്രത്തിനെതിരെ സമൂഹമാധ്യമങ്ങളിലടക്കം പ്രതിഷേധം ഉയരുന്നുണ്ട്. എം.എല്‍.എ ഗീത ഗോപിയെ മാറ്റിയാണ് നാട്ടികയില്‍ സി.സി. മുകുന്ദന് സി.പി.ഐ സീറ്റ് നല്‍കിയത്.