ന്യൂഡല്‍ഹി: വരുന്ന നിയമസഭാ തെരഞ്ഞെടുപ്പില്‍ കേരളമുള്‍പ്പെടെയുള്ള മൂന്ന് സംസ്ഥാനങ്ങളില്‍ ബി.എസ്.പി ഒറ്റയ്ക്ക് മത്സരിക്കും. അധ്യക്ഷ മായാവതിയാണ് ഇക്കാര്യം അറിയിച്ചത്. കേരളം, പശ്ചിമബംഗാള്‍, തമിഴ്‌നാട് സംസ്ഥാനങ്ങള്‍ കൂടാതെ പുതുച്ചേരിയിലും ഒറ്റയ്ക്ക് തന്നെ മത്സരിക്കും.

അടുത്തവര്‍ഷം നടക്കുന്ന യു.പി നിയമസഭാ തെരഞ്ഞെടുപ്പിലും ഒറ്റയ്ക്ക് മത്സരിക്കുമെന്ന് മായാവതി പറഞ്ഞു. 403 മണ്ഡലങ്ങളിലും ഒറ്റയ്ക്ക് മത്സരിക്കുകയും മികച്ച പ്രകടനം കാഴ്ചവയ്ക്കുകയും ചെയ്യുമെന്നും മായാവതി പറഞ്ഞു.