മലപ്പുറം: മലപ്പുറത്ത് ഒരു കോടിയിലധികം രൂപയുടെ കുഴല്‍പ്പണം പിടികൂടി. ഒരാഴ്ചക്കിടെ അഞ്ചു കോടിയോളം രൂപയാണ് ജില്ലയില്‍ നിന്ന് പിടികൂടിയതായി പൊലിസ് വ്യക്തമാക്കി. പെരിന്തല്‍മണ്ണ, വേങ്ങര, വളാഞ്ചേരി എന്നിവിടങ്ങളില്‍ നിന്നാണ് പണം പിടികൂടിയത്.

ഇന്നു കാറിന്റെ രഹസ്യ അറയില്‍ ഒളിപ്പിപ്പിച്ച് കടത്തിയ പണവുമായി എറണാകുളം തോപ്പുംപടി സ്വദേശികളായ രാജു, അനില്‍ എന്നിവരെ പൊലിസ് അറസ്റ്റ് ചെയ്തു. പിടികൂടിയ പണം കൃത്യമായി എണ്ണിത്തിട്ടപ്പെടുത്തി കൊണ്ടിരിക്കുകയാണ്.