ചേര്‍ത്തല: ഇടതുപക്ഷത്തെ വീണ്ടും ഞെട്ടിച്ച് സി.പി.ഐ നേതാവ് എന്‍.ഡി.എ സ്ഥാനാര്‍ഥിയായി. ആലപ്പുഴ ജില്ലാ പഞ്ചായത്ത് മുന്‍ വൈസ് പ്രസിഡന്റും സിപിഐ ജില്ലാ കൗണ്‍സില്‍ അംഗവുമായിരുന്ന തമ്പി മേട്ടുതറയാണ് ബി.ഡി.ജെ.എസില്‍ ചേര്‍ന്ന് എന്‍.ഡി.എ സ്ഥാനാര്‍ത്ഥിയായത്. ബി.ഡി.ജെ.എസ് അദ്ധ്യക്ഷന്‍ തുഷാര്‍ വെള്ളാപ്പള്ളിയാണ് സ്ഥാനാര്‍ത്ഥിയെ പ്രഖ്യാപിച്ചത്.

കാനത്തിന്റെ ഏകാധിപത്യ സമീപനത്തിലും ഇടതുമുന്നണിയുടെ വിശ്വാസികള്‍ക്കെതിരായ നിലപാടും ആരോപിച്ച് ഇന്നലെ അദ്ദേഹം പാര്‍ട്ടി അംഗത്വം രാജിവെച്ചിരുന്നു.

2016 ലും ഹരിപ്പാട് സിപിഐ സീറ്റിനായി തമ്പ മേട്ടുതറ ശ്രമിച്ചിരുന്നു. ഇത്തവണയും സീറ്റ് നിഷേധിക്കപ്പെട്ടതോടെയാണ് ജില്ലാ കൗണ്‍സില്‍ അംഗത്വവും പാര്‍ട്ടി പ്രാഥമിക അംഗത്വവും രാജിവെച്ചത്.