കൊച്ചി: പ്രശസ്ത മേക്കപ്പ് ആര്‍ട്ടിസ്റ്റ് അനീസ് അന്‍സാരിക്കെതിരെ ലൈംഗികാതിക്രമത്തില്‍ ഒരു പരാതി കൂടി. ഓസ്‌ട്രേലിയയില്‍ താമസിക്കുന്ന മലയാളി യുവതിയാണ് പരാതി നല്‍കിയത്. 2015 ലാണ് അതിക്രമം ഉണ്ടായതെന്ന് കമ്മിഷ്ണര്‍ക്ക് നല്‍കിയ പരാതിയില്‍ പറയുന്നു.

വിവാഹത്തിനായി മേക്കപ്പ് ചെയ്യാന്‍ എത്തിയ തന്നെ ലൈംഗിക ചൂഷണത്തിന് ഇരയാക്കി എന്നാണ് പരാതി. പൊലീസ് ആവശ്യപ്പെട്ടാല്‍ കൂടുതല്‍ വിവരങ്ങള്‍ നല്‍കാമെന്നും യുവതി പറയുന്നു.

അനീസ് അന്‍സാരിക്കെതിരെ മൂന്ന് യുവതികളാണ് നേരത്തെ സിറ്റി പൊലിസ് കമ്മീഷണര്‍ക്ക് പരാതി അയച്ചത്. കല്യാണ മേക്കപ്പിനിടെ പീഡിപ്പിച്ചെന്നുകാട്ടിയാണ് പരാതി.