കൊല്‍ക്കത്ത: പാര്‍ട്ടി പ്രവര്‍ത്തകരെ അറസ്റ്റ് ചെയ്യുന്നത് നിര്‍ത്തിയില്ലെങ്കില്‍ പൊലീസ് സ്‌റ്റേഷന് തീയിടുമെന്ന ഭീഷണിയുമായി പശ്ചിമ ബംഗാളിലെ ബി.ജെ.പി എം.എല്‍.എ. എംഎല്‍എ സ്വപന്‍ മജുംദാറിന്റെതാണ് ഭീഷണി.

സ്വന്തം മണ്ഡലമായ നോര്‍ത്ത് 24 പര്‍ഗനാസ് ജില്ലയിലെ അശോക് നഗറില്‍ പാര്‍ട്ടി പ്രവര്‍ത്തകരെ അഭിസംബോധന ചെയ്യുകയായിരുന്നു മജുംദാര്‍.ലോക്കല്‍ പൊലീസ് സ്റ്റേഷനിലെ ഉദ്യോഗസ്ഥര്‍ ബി.ജെ.പി പ്രവര്‍ത്തകരെ അറസ്റ്റ് ചെയ്യുകയും ഉപദ്രവിക്കുകയുമാണെന്ന് എം.എല്‍.എ ആരോപിച്ചു.

എന്നാല്‍ നിയമവിരുദ്ധ പ്രവര്‍ത്തനങ്ങള്‍ നടത്തുന്ന തൃണമൂല്‍ കോണ്‍ഗ്രസ് പ്രവര്‍ത്തകരെ ഇവര്‍ സഹായിക്കുകയാണ്. ഉദ്യോഗസ്ഥര്‍ അവരുടെ രീതി തിരുത്തിയില്ലെങ്കില്‍ പൊലീസ് സ്റ്റേഷന്‍ കത്തിക്കുമെന്നും മജുംദാര്‍ ഭീഷണിയുയര്‍ത്തി.