ഡമസ്‌ക്കസ്: സിറിയയില്‍ ഇസ്‌റാഈല്‍ വ്യോമാക്രമണം. രാജ്യത്തെ പ്രമുഖ അന്താരാഷ്ട്ര വിമാനത്താവളമായ ഡമസ്‌ക്കസ് വിമാനത്താവളത്തിന് നേരെയാണ് അക്രമണമുണ്ടായത്. ആക്രമണത്തില്‍ രണ്ട് സൈനികര്‍ കൊല്ലപ്പെട്ടു. രണ്ടു പേര്‍ക്ക് പരുക്കേറ്റതായും റിപ്പോര്‍ട്ടുണ്ട്.

പുലര്‍ച്ചെ രണ്ടു മണിയോടെയാണ് ആക്രമണമുണ്ടായത്. ഇതേ തുടര്‍ന്ന് വിമാനത്താവളം അടച്ചിട്ടിരിക്കുകയാണ്. അതേസമയം സംഭവത്തില്‍ ഇസ്‌റാഈല്‍ പ്രതികരിച്ചിട്ടില്ല.

ഇത് രണ്ടാം തവണയാണ് വിമാനത്താവളത്തിന് നേരെ ഇസ്‌റാഈല്‍ ആക്രമണം അഴിച്ചു വിടുന്നത്. ജൂണ്‍ പത്തിന് നടത്തിയ ആക്രമണത്തില്‍ റണ്‍വേക്ക് ഉള്‍പെടെ കേടുപാടുകള്‍ സംഭവിച്ചിരുന്നു.