പാലക്കാട്: വാളയാര്‍ വനമേഖലയില്‍ കാട്ടു തീ പടരുന്നു. ശനിയാഴ്ച ഉച്ചയോടെയാണ് അട്ടപ്പള്ളം താഴ്വരയില്‍ തീ പടര്‍ന്നത്. ഇത് താഴ് വരയില്‍ നിന്ന് മലമുകളിലേക്ക് വ്യാപിച്ചിരിക്കുകയാണ്. വനം വകുപ്പിന്റെ 40 അംഗ സംഘം കിണഞ്ഞു പരിശ്രമിച്ചിട്ടും തീ നിയന്ത്രണ വിധേയമാക്കാന്‍ സാധിച്ചിട്ടില്ല. തീ കൂടുതല്‍ സ്ഥലങ്ങളിലേക്ക് പടരാതിരിക്കാനുള്ള ശ്രമം തുടരുന്നതായി വനം വകുപ്പ് അറിയിച്ചു.

രണ്ട് സംഘങ്ങളായി തിരിഞ്ഞാണ് തീയണക്കാന്‍ ശ്രമിക്കുന്നത്. ഡ്രോണ്‍ ഉപയോഗിച്ച് സ്ഥിതിഗതികള്‍ നിരീക്ഷിക്കുന്നതായി വനംവകുപ്പ് അധികൃതര്‍ അറിയിച്ചു.