കോഴിക്കോട്: സംസ്ഥാനത്ത് മാര്‍ച്ച് 24 മുതല്‍ സ്വകാര്യ ബസ് പണിമുടക്ക്. അനിശ്ചിതകാലത്തേക്ക് സര്‍വീസുകള്‍ നിര്‍ത്തിവെക്കുന്നതായി ബസ് ഉടമകള്‍ അറിയിച്ചു. ബസ് ഉടമകളുടെ സംയുക്ത സമരസമിതിയുടേതാണ് തീരുമാനം.

വിദ്യാര്‍ഥികളുടെ കണ്‍സെഷന്‍ ടിക്കറ്റ് വര്‍ധിപ്പിക്കണമെന്നും മിനിമം ബസ് ചാര്‍ജ് 12 രൂപയായി ഉയര്‍ത്തണമെന്നും ആവശ്യം.

ഗതാഗത മന്ത്രി ആന്റണി രാജു പ്രശ്‌നം പരിഹരിക്കാമെന്ന് ഉറപ്പുനല്‍കി നാലു മാസം കഴിഞ്ഞിട്ടും ഒരു നടപടിയും ഉണ്ടാകുന്നില്ലെന്ന് സംഘടനകള്‍ ആരോപിക്കുന്നു. സമരം സംബന്ധിച്ച് സംഘടനകള്‍ സര്‍ക്കാരിന് നോട്ടിസ് നല്‍കി.