ആലപ്പുഴ: ആലപ്പുഴ സര്‍ക്കാര്‍ മെഡിക്കല്‍ കോളജില്‍ ഡോക്ടര്‍മാരുടെ കൂട്ട സ്ഥലം മാറ്റം. ഡോക്ടര്‍മാരുടെ സ്വകാര്യ പ്രാക്ടീസിലാണ് നടപടി. 6 സീനിയര്‍ ഡോക്ടര്‍മാര്‍ക്കാണ് സ്ഥലം മാറ്റം. മെഡിക്കല്‍ വിദ്യാഭ്യാസ വകുപ്പ് ഇത് സംബന്ധിച്ച ഉത്തരവ് പുറപ്പെടുവിച്ചു.

ആലപ്പുഴ മെഡിക്കല്‍ കോളേജിനെ പറ്റി പരാതിയുയര്‍ന്ന സാഹചര്യത്തില്‍ ആരോഗ്യ വകുപ്പ് മന്ത്രി വീണാ ജോര്‍ജ് നേരിട്ട് മെഡിക്കല്‍ കോളേജ് ആശുപത്രി സന്ദര്‍ശിച്ചിരുന്നു. അന്ന് പല പോരായ്മകളും കണ്ടെത്തിയിരുന്നു.