ന്യൂഡല്‍ഹി: പെണ്‍കുട്ടിയെ കൂട്ടബലാത്സംഗം ചെയ്ത കേസിലെ പ്രതി പൊലിസ് വെടിവെപ്പില്‍ കൊല്ലപ്പെട്ടു. ബിക്കി അലി എന്ന 20 വയസുകാരനാണ് കൊല്ലപ്പെട്ടത്. അസമിലെ ഗുവാഹത്തിയിലാണ് സംഭവം.

പൊലിസ് കസ്റ്റഡിയില്‍ നിന്നും വനിതാ പൊലിസ് ഉദ്യോഗസ്ഥ ഉള്‍പ്പടെയുള്ളവരെ ആക്രമിച്ച് രക്ഷപെടാന്‍ ശ്രമിച്ചതിന്റെ ഇടയിലാണ് ബിക്കി അലി വെടിയേറ്റ് മരിച്ചത്.വെടിവെപ്പില്‍ ബിക്കി അലിയുടെ നെഞ്ചിലും പുറകിലുമായി നാല് മുറിവുകള്‍ പറ്റിയിട്ടുണ്ടെന്ന് ഗുവാഹത്തി മെഡിക്കല്‍ കോളേജ് ആശുപത്രി സൂപ്രണ്ട് വ്യക്തമാക്കി.

കേസില്‍ ബിക്കി അലി ഉള്‍പ്പടെ 5 പ്രതികള്‍ക്കെതിരെ പോലീസ് കേസ് രജിസ്റ്റര്‍ ചെയ്തിരുന്നു. തുടര്‍ന്ന് കഴിഞ്ഞ ചൊവ്വാഴ്ചയാണ് ബിക്കി അലി പിടിയിലായത്.