കൃഷ്ണൻ ചേലേമ്പ്ര

പ്ര​ചാ​ര​മേ​റെ​യു​ള്ള പ​ത്ര​ത്തി​ലെ ത​ല​ക്കെ​ട്ട്: ‘വ​നി​താ​ഗൃ​ഹ​നാ​ഥ​രു​ടെ മ​ക്ക​ള്‍ക്ക് ധ​ന​സ​ഹാ​യം’. തു​ട​ര്‍ന്ന് വാ​ര്‍ത്ത​യി​ങ്ങ​നെ തു​ട​രു​ന്നു: ‘ബി.​പി.​എ​ല്‍. വി​ഭാ​ഗ​ത്തി​ല്‍പെ​ട്ട വ​നി​ത​ക​ള്‍ ഗൃ​ഹ​നാ​ഥ​രാ​യി​ട്ടു​ള്ള​വ​രു​ടെ മ​ക്ക​ള്‍ക്ക്...’
എ​ത്ര​മാ​ത്രം വി​ചി​ത്ര​മാ​ണ് ത​ല​ക്കെ​ട്ടും തു​ട​ര്‍ന്നു​ള്ള വാ​ര്‍ത്താ ആ​രം​ഭ​വും! ആ​രാ​ണ് ഈ ​വ​നി​താ​ഗൃ​ഹ​നാ​ഥ​ര്‍? ‘ഗൃ​ഹ​നാ​ഥ​ക​ളു​ടെ മ​ക്ക​ള്‍ക്ക് ’​എ​ന്നെ​ഴു​തു​ന്ന​തി​നു പ​ക​ര​മാ​ണ് വ​നി​താ ഗൃ​ഹ​നാ​ഥ​ര്‍ ക​യ​റി​ക്കൂ​ടി​യ​ത്. മാ​തൃ​ഭാ​ഷ​യെ കൊ​ഞ്ഞ​നം കു​ത്തു​ന്ന ഇ​മ്മാ​തി​രി പ്ര​യോ​ഗ​ങ്ങ​ള്‍ ഇ​താ​ദ്യ​മാ​യൊ​ന്നു​മ​ല്ല ന​മ്മു​ടെ മാ​ധ്യ​മ​ങ്ങ​ളി​ല്‍ പ്ര​ത്യ​ക്ഷ​പ്പെ​ടു​ന്ന​ത്.

പി​ന്നാ​ലെ വ​നി​താ
ഉ​ദ്യോ​ഗ​സ്ഥ​യും

മ​റ്റൊ​രു​ദാ​ഹ​ര​ണം കാ​ണു​ക: ‘ഇ​ന്‍സ്‌​പെ​ക്ട​ര്‍ റാ​ങ്കി​ല്‍ കു​റ​യാ​ത്ത വ​നി​താ ഉ​ദ്യോ​ഗ​സ്ഥ​യാ​യി​രി​ക്ക​ണം എ​ല്ലാ ജി​ല്ല​ക​ളി​ലും പോ​ക്‌​സോ കേ​സു​ക​ളു​ടെ മേ​ല്‍നോ​ട്ടം വ​ഹി​ക്കേ​ണ്ട​ത് ’. പു​രു​ഷ​ന്മാ​രാ​യ ഉ​ദ്യോ​ഗ​സ്ഥ​ക​ളു​മു​ണ്ടെ​ന്നാ​ണോ ലേ​ഖ​ക​ന്‍ (​പ​ത്രാ​ധി​പ​രും) വി​വ​ക്ഷി​ക്കു​ന്ന​ത്? മു​ക​ളി​ല്‍ ഉ​ദ്ധ​രി​ച്ച വാ​ക്യ​ത്തി​ല്‍ നി​ന്ന് ‘വ​നി​ത’​യെ നി​ഷ്‌​ക​രു​ണം വെ​ട്ടാ​ന്‍ എ​ന്തേ പ​ത്രാ​ധി​പ​ര്‍ മ​ടി​ച്ച​ത്? വ​നി​താ പൊ​ലിസു​കാ​രി, യാ​ത്ര​ക്കാ​രി​ക​ളാ​യ സ്ത്രീ​ക​ള്‍ തു​ട​ങ്ങി​യ പ്ര​യോ​ഗ​ങ്ങ​ള്‍ അ​ച്ച​ടി മാ​ധ്യ​മ​ങ്ങ​ളി​ലും ചാ​ന​ലു​ക​ളി​ലും ഇ​ട​ക്കി​ടെ പ്ര​ത്യ​ക്ഷ​പ്പെ​ടാ​റു​ണ്ട്. ഭാ​ഷ​യെ​ക്കു​റി​ച്ച് സാ​മാ​ന്യ​ബോ​ധം പോ​ലും ഇ​ല്ലാ​ത്ത​തി​ന്റെ കു​ഴ​പ്പ​മാ​ണ് ഇത്തരം പ്ര​യോ​ഗ​ങ്ങ​ള്‍ക്കു കാ​ര​ണം. വി​ദ്യാ​ര്‍ഥി​ക​ള്‍ക്ക് പ​ത്ര​പാ​രാ​യ​ണം നി​ര്‍ബ​ന്ധ​മാ​ക്കി​യ വി​ദ്യാ​ഭ്യാ​സ രീ​തി​യാ​ണ് നി​ല​വി​ലു​ള്ള​ത്. ഇ​മ്മാ​തി​രി പ്ര​യോ​ഗ​ങ്ങ​ള്‍ അ​വ​രു​ടെ ഭാ​ഷാബോ​ധ​ത്തി​ന് ക​ന​ത്ത പ്ര​ഹാ​ര​മാ​കും, സം​ശ​യ​മി​ല്ല.

ആ​രോ​ഗ്യ​പ്ര​വ​ര്‍ത്ത​ക​ക​ള്‍ക്കും
വി​ല​ക്ക്

‘കോ​വി​ഡ് ബാ​ധി​ച്ച് ആ​രോ​ഗ്യ​പ്ര​വ​ര്‍ത്ത​ക​രാ​യ ര​ണ്ടു സ്ത്രീ​ക​ള്‍ മ​രി​ച്ചു’. ഒ​രു വാ​ര്‍ത്ത​യു​ടെ തു​ട​ക്ക​മി​ങ്ങ​നെ! ‘പ്ര​വ​ര്‍ത്ത​ക​ന്റെ’ സ്ത്രീ​ലിം​ഗ​മാ​യി ‘പ്ര​വ​ര്‍ത്ത​ക’ ഉ​ണ്ടാ​യി​രി​ക്കേ ‘ആ​രോ​ഗ്യ​പ്ര​വ​ര്‍ത്ത​ക​രാ​യ ര​ണ്ടു സ്ത്രീ​ക’ളെ കൊ​ണ്ടു​വ​രേ​ണ്ട​തു​ണ്ടാ​യി​രു​ന്നോ? പ​ക​രം ’ആ​രോ​ഗ്യ​പ്ര​വ​ര്‍ത്ത​ക​രാ​യ ര​ണ്ടു യു​വ​തി​ക​ള്‍’ എ​ന്നാ​ക്കി​യി​രു​ന്നു​വെ​ങ്കി​ല്‍ വാ​യ​ന​ക്കാ​രു​ടെ അ​നു​താ​പ​മെ​ങ്കി​ലും പി​ടി​ച്ചു​പ​റ്റാ​മാ​യി​രു​ന്നു. മ​രി​ച്ച​വ​ര്‍ 24ഉം 37​ഉം വ​യ​സ്സു​കാ​രാ​യ​തി​നാ​ല്‍ ‘യു​വ​തി’ പ്ര​യോ​ഗ​ത്തി​ല്‍ തെ​റ്റു​മി​ല്ല. ഇ​നി പ്രാ​യ​മേ​റെ​യാ​യ​വ​ര്‍ ആ​ണെ​ങ്കി​ല്‍ ‘കോ​വി​ഡ് ബാ​ധി​ച്ച് ര​ണ്ടു ആ​രോ​ഗ്യ​പ്ര​വ​ര്‍ത്ത​ക​ക​ള്‍ മ​രി​ച്ചു’ എ​ന്നെ​ഴു​തു​ക​യാ​യി​രു​ന്നി​ല്ലേ അ​ഭി​കാ​മ്യം?

ന​ല്ലി​ട​യ​ന്റെ പാ​ത
പി​ന്തു​ട​ര​രു​ത്

ന​ല്ല ഈ​ന്ത​പ്പ​ഴം ന​ല്ലീ​ത്ത​പ്പ​ഴ​മ​ല്ല, ന​ല്ല ഏ​ത്ത​പ്പ​ഴം ന​ല്ലേ​ത്ത​പ്പ​ഴ​വു​മ​ല്ല. ന​ല്ല അ​പ്പ​ച്ച​നെ ന​ല്ല​പ്പ​ച്ച​നെ​ന്നോ ന​ല്ല അ​മ്മ​യെ ന​ല്ല​മ്മ​യെ​ന്നോ വി​ളി​ക്കു​ന്നി​ല്ല, എ​ഴു​തു​ന്നു​മി​ല്ല. നാ​മ​പ​ദ​ങ്ങ​ളി​ല്‍ നി​ന്ന് വി​ശേ​ഷ​ണം വേ​റി​ട്ടു നി​ൽക്കണം. വി​ശേ​ഷ​ണം നാ​മ​ത്തോ​ടു ചേ​ര്‍ത്തു​വാ​യി​ച്ചാ​ല്‍ അ​ര്‍ഥ​ഭേ​ദം സം​ഭ​വി​ക്കും. ഉ​ദാ​ഹ​ര​ണ​ത്തി​ന് ന​ല്ല അ​മ്മ ന​ല്ല​മ്മ​യാ​യാ​ല്‍ അ​തൊ​രു ത​മി​ഴ് സ്ത്രീ ​നാ​മ​മാ​യേ തോ​ന്നൂ. അ​മ്മ എ​ത്ര ന​ല്ല​വ​ളാ​യാ​ലും അ​തു ക്ഷ​മി​ക്കു​ക​യി​ല്ല.

ര​ണ്ട് മ​ത​പു​രോ​ഹി​ത​ന്മാ​രു​ടെ ജ​ന്മ​ദി​ന​ത്തോ​ട​നു​ബ​ന്ധി​ച്ച വാ​ര്‍ത്ത​യു​ടെ ത​ല​ക്കെ​ട്ടി​ങ്ങ​നെ: ‘ന​ല്ലി​ട​യ​ന്മാ​ര്‍ക്ക് ഒ​രേ നാ​ളി​ല്‍ ന​വ​തി​യും സ​പ്ത​തി​യും’ ന​ല്ല ഇ​ട​യ​നെ​യാ​ണ് ലേ​ഖ​ക​ന്‍ ഉ​ദ്ദേ​ശി​ച്ച​തെ​ങ്കി​ല്‍ തെ​റ്റി​പ്പോ​യി. ന​ല്ലി എ​ന്ന വാ​ക്കി​ന് സ്ത്രീ, ​നെ​യ്ത്തു​കാ​രി, ആ​ടി​ന്റെ കാ​ലെ​ല്ല് എ​ന്നീ അ​ര്‍ഥം. ന​ല്ലം എ​ന്ന വാ​ക്കി​ന് ന​ന്മ എ​ന്ന അ​ര്‍ഥ​മു​ണ്ടെ​ങ്കി​ലും ആ ​പ്ര​യോ​ഗ​ത്തി​നി​വി​ടെ സാ​ധു​ത​യി​ല്ല. കാ​ര​ണം ന​ല്ലം+ ഇ​ട​യ​ന്‍ ന​ല്ലി​ട​യ​നാ​വി​ല്ല​ല്ലോ. ന​ല്ല ഇ​ട​യ​ന്‍ ന​ല്ല ഇ​ട​യ​ന്‍ ത​ന്നെ​യാ​യി​രി​ക്ക​ട്ടെ. (ഇ​തേ വാ​ര്‍ത്ത​യി​ല്‍ ‘വ​ലി​യ ഇ​ട​യ’നെ​ക്ക​ണ്ടു. അ​തെ​ന്തേ വ​ലി​യി​ട​യ​നാ​യി​ല്ല)
നാ​മ​ത്തോ​ടൊ​പ്പം വി​ശേ​ഷ​ണം ചേ​ര്‍ത്തു പ​റ​യു​മ്പോ​ഴു​ണ്ടാ​കു​ന്ന പ്ര​മാ​ദ​ത്തി​ന് ഒ​രു​ദാ​ഹ​ര​ണം: ‘അ​വി​ടെ നി​ന്നു ഭ​ക്ഷ​ണം ക​ഴി​ച്ചു അ​വ​ള്‍’. ഇ​ത് ചേ​ര്‍ത്തു പ​റ​യു​മ്പോ​ള്‍ ‘അ​വി​ടെ നി​ന്നു ഭ​ക്ഷ​ണം ക​ഴി​ച്ച​വ​ള്‍’ എ​ന്നാ​കു​ന്നു. അ​ര്‍ഥ​വ്യ​ത്യാ​സം ശ്ര​ദ്ധി​ക്കു​ക. ഇ​തി​ല്‍ ആ​ദ്യ​ത്തേ​ത് ഒ​രു പ്ര​ത്യേ​ക വ്യ​ക്തി​യെ​യാ​ണ് സൂ​ചി​പ്പി​ക്കു​ന്ന​തെ​ങ്കി​ല്‍ ര​ണ്ടാ​മെ​ത്ത​തി​ന് അ​ങ്ങ​നെ വി​വ​ക്ഷ​യി​ല്ല. ആ ​അ​വ​ള്‍ ആ​രു​മാ​കാം.

വാ​ര്‍ത്ത ഒ​ന്ന്, പ​ക്ഷേ...

ഒ​രേ വാ​ര്‍ത്ത വ്യ​ത്യ​സ്ത രീ​തി​യി​ല്‍ വ​ന്നാ​ല്‍? ‘സി​നി​മാ​താ​ര​ത്തെ അ​നു​ക​രി​ച്ച് മ​ല​ക്കം മ​റി​ഞ്ഞ വി​ദ്യാ​ര്‍ഥി മ​രി​ച്ചു’. ഇ​തേ വാ​ര്‍ത്ത മ​റ്റൊ​രു പ​ത്ര​ത്തി​ല്‍ ക​ണ്ട​ത് ‘വി​ദ്യാ​ര്‍ഥി ക്രി​ക്ക​റ്റ് ക​ളി​ക്കി​ടെ ത​ല​യി​ടി​ച്ച് വീ​ണു മ​രി​ച്ചു’.

ര​ണ്ടു വാ​ര്‍ത്ത​യു​ടെ​യും ത​ല​ക്കെ​ട്ടാ​ണ് ഇ​വി​ടെ ന​ല്‍കി​യി​രി​ക്കു​ന്ന​ത്. വാ​ര്‍ത്താ​ഗാ​ത്ര​വും അ​ത​നു​സ​രി​ച്ചു ത​ന്നെ​യെ​ന്ന് പ​റ​യേ​ണ്ട​തി​ല്ല​ല്ലോ. ഇ​തി​ലേ​ത് മാ​ധ്യ​മ​ത്തെ വി​ശ്വ​സി​ക്ക​ണം?
അ​മ്മ​യു​ടെ​യും കു​ഞ്ഞി​ന്റെ​യും ജ​ഡം ക​ത്തി​ക്ക​രി​ഞ്ഞ നി​ല​യി​ല്‍ കാ​ണ​പ്പെ​ട്ട വാ​ര്‍ത്ത​യു​ടെ ഒ​രു ഭാ​ഗം ര​ണ്ടു പ​ത്ര​ങ്ങ​ളി​ല്‍ വ​ന്ന​ത് ഇ​ങ്ങ​നെ.
1. മീ​ഞ്ച​ന്ത​യി​ല്‍ നി​ന്നെ​ത്തി​യ ഫ​യ​ര്‍ യൂ​ണി​റ്റ് തീ​യ​ണ​ച്ചു.
2. ചെ​മ്മ​ണ്‍ പാ​ത​യി​ലൂ​ടെ ക​ട​ന്നു പോ​കാ​ന്‍ നി​വൃ​ത്തി​യി​ല്ലാ​ത്ത​തി​നാ​ല്‍ ഫ​യ​ര്‍ സ​ര്‍വീ​സ് വാ​ഹ​ന​ങ്ങ​ള്‍ തി​രി​കെ​പ്പോ​യി.
സ​ത്യാ​വ​സ്ഥ അ​റി​യ​ണ​മെ​ങ്കി​ല്‍ മാ​ന്യ​വാ​യ​ന​ക്കാ​ര​ന്‍ പാ​ഴൂ​ര്‍ പ​ടി​പ്പു​ര വ​രെ പോ​കേ​ണ്ടി വ​രും. ഒ​രു വാ​ര്‍ത്ത ര​ണ്ടു മാ​ധ്യ​മ​ങ്ങ​ളി​ല്‍ വ്യ​ത്യ​സ്ത​മാ​യി വ​ന്ന​തി​ന് മ​റ്റൊ​രു​ദാ​ഹ​ര​ണം:
1. ക്ഷേ​ത്ര ദ​ര്‍ശ​നം ക​ഴി​ഞ്ഞു മ​ട​ങ്ങു​മ്പോ​ഴാ​ണ് ജീ​പ്പി​ടി​ച്ചു മ​രി​ച്ച​ത്.
2. ഉ​ത്സ​വം ക​ണ്ടു മ​ട​ങ്ങു​മ്പോ​ഴാ​ണ് ജീ​പ്പി​ടി​ച്ചു മ​രി​ച്ച​ത്.

ക്ഷേ​ത്ര​വു​മാ​യി ബ​ന്ധ​പ്പെ​ട്ട​താ​ണെ​ങ്കി​ലും ദ​ര്‍ശ​ന​വും ഉ​ത്സ​വ​വും ര​ണ്ടും ര​ണ്ടാ​ണ്. സം​ഭ​വ​ത്തി​ന്റെ നി​ജ​സ്ഥി​തി അ​റി​യാ​തെ വാ​ര്‍ത്ത തയാ​റാ​ക്കു​മ്പോ​ഴാ​ണ് ഇ​ത്ത​രം താ​ള​പ്പി​ഴ​വു​ക​ള്‍ സം​ഭ​വി​ക്കു​ക. ദ​ര്‍ശ​ന​മാ​യാ​ലും ഉ​ത്സ​വ​മാ​യാ​ലും ബ​ന്ധ​പ്പെ​ട്ട ക്ഷേ​ത്ര​ത്തി​ന്റെ പേ​ര് ര​ണ്ടു മാ​ധ്യ​മ​ങ്ങ​ളി​ലു​മി​ല്ല എ​ന്ന​താ​ണ് മ​റ്റൊ​രു വീ​ഴ്ച. ഈ​സി​ച്ചെ​യ​ര്‍ പ​ത്ര​പ്ര​വ​ര്‍ത്ത​ന​ത്തി​ന് ഭാ​വി​യു​ണ്ട് എ​ന്ന​തി​ന് ദൃ​ഷ്ടാ​ന്ത​മാ​ണ് ഇ​ത്ത​രം വാ​ര്‍ത്ത​ക​ള്‍. വാ​ര്‍ത്ത പൂ​ര്‍ണ​മാ​യും വാ​യി​ച്ചു ക​ഴി​ഞ്ഞാ​ല്‍ ആ​ര്, എ​ന്ത്, എ​പ്പോ​ള്‍, എ​വി​ടെ, എ​ങ്ങ​നെ, എ​ന്തു​കൊ​ണ്ട് എ​ന്നീ ചോ​ദ്യ​ങ്ങ​ളി​ല്‍ ഒ​ന്നു​പോ​ലും ഉ​ത്ത​രം കി​ട്ടാ​തെ അ​വ​ശേ​ഷി​ക്ക​രു​ത്. അ​താ​ണ് മി​ടു​ക്ക​നാ​യ ലേ​ഖ​ക​ന്റെ ക​ഴി​വ്.

ഹ​ഥ്‌​റ​സി​ലെ​ത്തി​യ
ഛോട്ടാ​രാ​ജ​ന്‍

വാ​ക്കു​ക​ള്‍ക്ക് ക​ടു​പ്പം കൂ​ട്ടു​ന്ന പ്ര​വ​ണ​ത ചി​ല മാ​ധ്യ​മ​ങ്ങ​ള്‍ക്കെ​ങ്കി​ലു​മു​ണ്ട്. അ​ടു​ത്ത കാ​ല​ത്ത് വാ​ര്‍ത്ത​ക​ളി​ല്‍ നി​റ​ഞ്ഞു നി​ന്ന യു.​പി.​യി​ലെ ഹ​ത്ര​സ് ചി​ല മാ​ധ്യ​മ​ങ്ങ​ള്‍ക്ക് ഹ​ഥ്‌​റ​സ് ആ​ണ്. മും​ബൈ​യി​ലെ അ​ധോ​ലോ​ക നാ​യ​ക​ന്മാ​രാ​യ ചോ​ട്ടാ​രാ​ജ​ന്‍, ചോ​ട്ടാ​ഷ​ക്കീ​ല്‍, കാ​ര്‍ ഡി​സൈ​ന​ര്‍ ദി​പീ​ല് ച​ബ്രി​ല എ​ന്നി​വ​ര്‍ മ​ല​യാ​ള മാ​ധ്യ​മ​ങ്ങ​ളി​ല്‍ പ്ര​ത്യ​ക്ഷ​പ്പെ​ടു​ന്ന​ത് ഛോട്ടാ ​രാ​ജ​നാ​യും ഛോട്ടാ ​ഷ​ക്കീ​ലാ​യും ദി​ലീ​പ് ഛബ്രി​യ​യു​മാ​യാ​ണ്. ഹ​ത്ര​സ്, ചോ​ട്ടാ, ച​ബ്രി​യ എ​ന്ന് വാ​യി​ക്കു​മ്പോ​ഴു​ണ്ടാ​കു​ന്ന സു​ഖം ഹ​ഥ്‌​റ​സി​നും ഛോട്ടാ​യ്ക്കും ഛബ്രി​യ​ക്കു​മി​ല്ല എ​ന്നി​രി​ക്കേ അ​നാ​വ​ശ്യ​മാ​യി എ​ന്തി​ന് പ​ദ​ങ്ങ​ള്‍ക്ക് ക​ടു​പ്പം കൂ​ട്ടു​ന്നു? മാ​ത്ര​മ​ല്ല ഹ​ഥ്‌​റ​സ്, ഛോട്ടാ, ഛ​ബ്രി​യ എ​ന്നെ​ഴു​തി​യാ​ലും സാ​ദാ മ​ല​യാ​ളി അ​വ ഹ​ത്ര​സ്, ചോ​ട്ടാ, ച​ബ്രി​യ എ​ന്നേ വാ​യി​ക്കൂ. ഇ​തേ ഗ​ണ​ത്തി​ല്‍ പെ​ടു​ന്നു ‘ഥാ​ര്‍ മ​രു​ഭൂ​മി’യും. താ​ര്‍ മ​രു​ഭൂ​മി​ക്കെ​ന്താ​ണു പോ​രാ​യ്മ? ഈ ​വാ​ക്കു​ക​ളു​ടെ ഹി​ന്ദി ഉ​ച്ചാ​ര​ണ​ത്തി​ന്റെ അ​ടി​സ്ഥാ​ന​ത്തി​ലാ​ണ് അ​തി​ഖ​ര പ്ര​യോ​ഗം എ​ന്നു വാ​ദി​ക്കു​ന്ന​തി​ല്‍ ക​ഴ​മ്പി​ല്ല. ന​മ്മു​ടെ ഭാ​ഷ​യ്ക്കും ഉ​പ​യോ​ഗ​ത്തി​നും അ​നു​യോ​ജ്യ​മാ​യ വി​ധ​ത്തി​ല്‍ അ​ന്യ​ഭാ​ഷാ പ​ദ​ങ്ങ​ളെ ല​ളി​ത​വ​ത്ക​രി​ക്കു​ന്ന​തി​ല്‍ യാ​തൊ​രു തെ​റ്റു​മി​ല്ല. ഇ​തി​നു​ദാ​ഹ​ര​ണ​മാ​യി എ​ത്ര​യോ വാ​ക്കു​ക​ള്‍ ഭാ​ഷ​യി​ലു​ണ്ട്.
ക​ല്ല്യാ​ണം വേ​ണ്ട
ക​ല്യാ​ണം മ​തി
അ​ന്യ​ഭാ​ഷാ പ​ദ​ങ്ങ​ള്‍ക്കു മാ​ത്ര​മ​ല്ല ഈ ​ദു​ര്‍ഗ​തി. മ​ല​യാ​ള പ​ദ​ങ്ങ​ള്‍ക്കും അ​നാ​വ​ശ്യ​ദ്വി​ത്വം ന​ൽകു​ന്ന​തി​ല്‍ നാം ​മി​ടു​ക്ക​രാ​ണ്. ഉ​ദാ: ക​ല്ല്യാ​ണം. ‘ല’ കാ​ര​ത്തോ​ട്  ‘യ’ ​കാ​രം ചേ​രു​മ്പോ​ള്‍ ‘ല’ ​കാ​രം ഇ​ര​ട്ടി​ക്കു​ന്നി​ല്ല എ​ന്ന വ്യാ​ക​ര​ണ പാ​ഠം മ​റ​ന്നു കൊ​ണ്ടാ​ണ് ഭാ​ഷ​യി​ല്‍ മാ​ത്ര​മ​ല്ല മാ​ധ്യ​മ​ങ്ങ​ളി​ലും ‘ക​ല്ല്യാ​ണ’പ്പെ​ണ്ണു​ങ്ങ​ളോ​ട്  ‘വാ​ത്സ​ല്ല്യം’ വ​ര്‍ധി​ക്കു​ന്ന​ത്. ക​ല്യാ​ണ​വും വാ​ത്സ​ല്യ​വും മ​തി.
മ​റ്റൊ​രു​ദാ​ഹ​ര​ണം: യൗ​വ്വ​നം. യു​വാ​വി​ന്റെ​യോ യു​വ​തി​യു​ടെ​യോ അ​വ​സ്ഥ യൗ​വ്വ​ന​മ​ല്ല യൗ​വ​ന​മാ​ണ്. എ​ന്നാ​ല്‍ യൗ​വ്വ​ന​ത്തി​ല്‍ സാ​യൂജ്യം കാ​ണു​ന്ന മാ​ധ്യ​മ​ങ്ങ​ള്‍ ഒ​ട്ടും കു​റ​വ​ല്ല. ഇ​തേ ഗ​ണ​ത്തി​ല്‍ പെ​ട്ട​തു ത​ന്നെ ‘രൂ​ക്ഷി​ത’വും. ‘രൂ​ഷി​തം’ ‘രൂ​ക്ഷി​ത’മാ​ക്കി​യാ​ലേ ചി​ല​ര്‍ക്കെ​ങ്കി​ലും തൃ​പ്തി​യാ​വൂ. ‘ച​തു​ഷ്ട​യ’ത്തെ ‘ച​തു​ഷ്ഠ​യ’മാ​ക്കു​ന്ന​തും ‘പി​ണ്ട’ത്തെ ‘പി​ണ്ഡ’മാ​ക്കു​ന്ന​തും ‘ഉ​ച്ചാ​ട​ന’ത്തെ ‘ഉ​ച്ഛാ​ട​ന’മാ​ക്കു​ന്ന​തും ‘അ​സ്തി​വാ​ര’ത്തെ ‘അ​സ്ഥി​വാ​ര’മാ​ക്കു​ന്ന​തും ‘ഷ​ഷ്ടി​പൂ​ര്‍ത്തി’യെ ‘ഷ​ഷ്ഠി​പൂ​ര്‍ത്തി’യാ​ക്കു​ന്ന​തും അ​തി​ഖ​ര പ്രേ​മി​ക​ളാ​യ മാ​ധ്യ​മ​ങ്ങ​ള​ത്രേ. ഭാ​ഷ​യെ സം​സ്‌​ക​രി​ക്കു​ക​യും ശ​ക്തി​പ്പെ​ടു​ത്തു​ക​യും ചെ​യ്യേ​ണ്ട ചു​മ​ത​ല പ​ത്ര​ങ്ങ​ള്‍ക്കു​ണ്ട്. പ​ത്ര​ഭാ​ഷ​യി​ലെ തെ​റ്റു​ക​ള്‍ ജ​ന​ങ്ങ​ളു​ടെ നി​ത്യ വ്യ​വ​ഹാ​ര​ത്തെ​ത്ത​ന്നെ സാ​ര​മാ​യി ബാ​ധി​ക്കും.

ഭാ​സ്‌​ക്ക​ര​നു
പ​രി​ഷ്‌​ക്കാ​രം വേ​ണ്ട

ഭാ​സ്‌​ക്ക​ര​ന്‍, ത​സ്‌​ക്ക​ര​ന്‍, പ​രി​ഷ്‌​ക്ക​ര​ണം, മ​ധ്യ​വ​യ​സ്‌​ക്ക​ന്‍ - ദി​വ​സേ​ന​യെ​ന്നോ​ണം മാ​ധ്യ​മ​ങ്ങ​ളി​ല്‍ അ​ച്ച​ടി​ച്ചും ചാ​ന​ലു​ക​ളി​ല്‍ എ​ഴു​തി പ്ര​ദ​ര്‍ശി​പ്പി​ച്ചും കാ​ണു​ന്ന വാ​ക്കു​ക​ളാ​ണി​വ. ‘സ’കാ​ര ‘ഷ’കാ​ര​ങ്ങ​ള്‍ക്കു പി​ന്നാ​ലെ വ​രു​ന്ന ‘ക’ ​കാ​രം ചേ​ര്‍ന്നു​ണ്ടാ​കു​ന്ന കൂ​ട്ട​ക്ഷ​ര​ങ്ങ​ളി​ല്‍ ‘ക’ ​ഇ​ര​ട്ടി​ക്കേ​ണ്ട​തി​ല്ലെ​ന്നു വ്യാ​ക​ര​ണ നി​യ​മം. അ​തി​നാ​ല്‍ ഭാ​സ്‌​ക​ര​ന്‍, ത​സ്‌​ക​ര​ന്‍, പ​രി​ഷ്‌​ക​ര​ണം, മ​ധ്യ​വ​യ​സ്‌​ക​ന്‍ എ​ന്നെ​ല്ലാം മ​തി.

വീ​ഴ്ച്ച​യും കാ​ഴ്ച്ച​യും ആ​ഴ്ച്ച​യും തെ​റ്റ്. വീ​ഴ്ച, കാ​ഴ്ച, ആ​ഴ്ച എ​ന്നി​വ ശ​രി. ‘ഴ്ച’ ​എ​ന്ന​തു ത​ന്നെ കൂ​ട്ട​ക്ഷ​ര​മാ​ണ​ല്ലോ. ഇ​നി​യും അ​തി​നെ ഇ​ര​ട്ടി​പ്പി​ക്കേ​ണ്ട​തി​ല്ല. നി​ര്‍ഭാ​ഗ്യ​വ​ശാ​ല്‍ പ​ത്ര​ങ്ങ​ളി​ലും ചാ​ന​ലു​ക​ളി​ലും വീ​ഴ്ച്ച​യും കാ​ഴ്ച്ച​യും ആ​ഴ്ച്ച​യും പ​തി​വാ​യി​ക്കാ​ണാം. പാ​ഴ്വ്വാ​ക്ക്, വ​സ്ത്തു എ​ന്നൊ​ന്നും എ​ഴു​താ​റി​ല്ല​ല്ലോ. കാ​ഴ്ച​യും വീ​ഴ്ച​യും ആ ​ഗ​ണ​ത്തി​ല്‍ പെ​ട്ട​തു ത​ന്നെ. എ​ന്നാ​ല്‍ താ​ഴ്ത്തു​ക എ​ന്ന​തി​ല്‍ ‘ത’യ്ക്ക് ദ്വി​ത്വം വ​രും. കാ​ര​ണം താ​ഴു​ക എ​ന്ന കേ​വ​ല ക്രി​യ​യി​ല്‍ നി​ന്നാ​ണ് താ​ഴ്ത്തു​ക എ​ന്ന പ്ര​യോ​ജ​ക ക്രി​യ വ​രു​ന്ന​ത്.
•