കൊച്ചി: കഴിഞ്ഞ ലോക്‌സഭാ തെരഞ്ഞെടുപ്പിനിടെ മുന്‍ മന്ത്രി വി.കെ ഇബ്‌റാഹിംകുഞ്ഞിനെ പി. രാജീവ് ഭീഷണിപ്പെടുത്തുന്നത് താന്‍ നേരിട്ട് കണ്ടെന്ന് ഹൈബി ഈഡന്‍ എം.പി. റീപോളിങ് നടന്ന കടുങ്ങല്ലൂരില്‍വച്ച് രാജീവ് ഭീഷണിപ്പെടുത്തുന്നത് കണ്ടെന്നാണ് ഹൈബി പറയുന്നത്.

ലോക്‌സഭാ തെരഞ്ഞെടുപ്പില്‍ യു.ഡി.എഫ് വോട്ട് മറിച്ചുനല്‍കാന്‍ ഇടതുമുന്നണി സ്ഥാനാര്‍ഥി പി. രാജീവ് സമീപിച്ചിരുന്നുവെന്ന് കഴിഞ്ഞ ഞായറാഴ്ച മുന്‍മന്ത്രി വി.കെ ഇബ്‌റാഹിംകുഞ്ഞ് ആരോപിച്ചിരുന്നു. താന്‍ അത് നിരാകരിച്ചതിന്റെ പകയാണ് പാലാരിവട്ടം പാലം അഴിമതിക്കേസായി പിന്നീട് ഉരുത്തിരിഞ്ഞതെന്നും ഇബ്‌റാഹിംകുഞ്ഞ് ആരോപിച്ചിരുന്നു.