കൊച്ചി: റോഡില്‍ തൂങ്ങികിടക്കുന്ന കേബിള്‍ കഴുത്തില്‍ കുടുങ്ങി യാത്രക്കാരന് പരുക്ക്. കളമശേരി തേവയ്ക്കലില്‍ വെച്ചുണ്ടായ അപകടത്തില്‍ ബൈക്ക് യാത്രക്കാരനായ തേവയ്ക്കല്‍ സ്വദേശി എ.കെ ശ്രീനിക്കാണ് കേബിള്‍ കുരുങ്ങി പരുക്കേറ്റത്. ശ്രീനിയെ കളമശേരി മെഡിക്കല്‍ കോളജില്‍ പ്രവേശിപ്പിച്ചു.

ഇന്നലെ വൈകീട്ട് ആറരയോടെയാണ് അപകടമുണ്ടായത്. മകനൊപ്പം ഇരുചക്രവാഹനത്തില്‍ പോകുകയായിരുന്നു ശ്രീനി. അപകടാവസ്ഥയില്‍ തൂങ്ങിക്കിടന്ന കേബില്‍ വയര്‍ മുഖത്തും കഴുത്തിലും കുരുങ്ങി.കേബിള്‍ വലിഞ്ഞ് സ്ട്രീറ്റ്‌ലൈറ്റ് തകര്‍ന്നു താഴെ വീണു. ബൈക്ക് മറിയാതിരുന്നതിനാലാണ് വലിയ അപകടം ഒഴിവായത്.