ദുബൈ:അജ്മാനില്‍ വ്യാഴാഴ്ച പുലര്‍ച്ചെയുണ്ടായ വന്‍ തീപിടിത്തത്തില്‍ പത്ത് ഡീസല്‍ ടാങ്കറുകള്‍ കത്തിനശിച്ചു. സംഭവത്തില്‍ ആളപായമൊന്നും റിപ്പോര്‍ട്ട് ചെയ്തിട്ടില്ല.അല്‍ ജര്‍ഫ് ഇന്‍ഡസ്ട്രിയല്‍ ഏരിയയിലാണ് തീപിടിത്തമുണ്ടായതെന്ന് അജ്മാന്‍ പൊലിസ് അറിയിച്ചു.

രണ്ട് കമ്പനികളുടേതാണ് ട്രക്കുകളെന്നും പൊലിസ് പറഞ്ഞു.രണ്ട് സിവില്‍ ഡിഫന്‍സ് സ്റ്റേഷനുകളില്‍ നിന്നുള്ള സംഘങ്ങള്‍ ഒരു മണിക്കൂറിനുള്ളില്‍ തീ നിയന്ത്രണ വിധേയമാക്കി. സമീപ പ്രദേശങ്ങളിലേക്ക് തീപടരുന്നത് തടയുകയും ചെയ്തു.