തിരുവനന്തപുരം: യൂട്യൂബ് ദൃശ്യം അനുകരിക്കാന്‍ ശ്രമിച്ച വിദ്യാര്‍ഥി പൊള്ളലേറ്റ് മരിച്ചു. തിരുവനന്തപുരം വെങ്ങാനൂരിലാണ് അപകടം. വെങ്ങാനൂര്‍ ഗാന്ധി സ്മാരക ആശുപത്രിക്ക് സമീപം 'പ്രസാര'ത്തില്‍ പ്രകാശിന്റെ മകന്‍ ശിവനാരായണ(12)നാണ് മരിച്ചത്.

തീ ഉപയോഗിച്ച് മുടി സ്‌ട്രെയ്റ്റ് ചെയ്യുന്ന യൂട്യൂബ് വീഡിയോ അനുകരിക്കാന്‍ ശ്രമിക്കുന്നതനിടെ മുടിയിലും വസ്ത്രത്തിലും തീപടരുകയായിരുന്നു.

സംഭവം നടക്കുമ്പോള്‍ വീട്ടില്‍ കുട്ടിയുടെ അമ്മൂമ്മയും ജ്യേഷ്ഠനുമാണ് ഉണ്ടായിരുന്നത്. കുളിമുറിയില്‍ വെച്ചാണ് കുട്ടിയ്ക്ക് അപകടം സംഭവിച്ചത്. അതിനാല്‍ സംഭവം വീട്ടുകാരുടെ ശ്രദ്ധയില്‍പെട്ടിരുന്നില്ല. പിന്നീട് ഗുരുതരമായി പൊള്ളലേറ്റ കുട്ടിയെ ആശുപത്രിയില്‍ പ്രവേശിപ്പിച്ചെങ്കിലും ബുധനാഴ്ച്ച രാവിലെയോടെ മരിക്കുകയായിരുന്നു.