കോട്ടയം: പാമ്പാടി എട്ടാം മൈലില്‍ ബൈക്കില്‍ ടോറസിടിച്ച് വീട്ടമ്മയ്ക്ക് ദാരുണാന്ത്യം. മീനടം ചകിരിപ്പാടം ഷൈനി സാം (48) ആണ് മരിച്ചത്. കെ.കെ. റോഡില്‍ പാമ്പാടി എട്ടാംമൈല്‍ ജങ്ഷനില്‍ ഉച്ചയ്ക്ക് 12.30ഓടെ ആയിരുന്നു അപകടം.

മകനോടൊപ്പം ബൈക്കില്‍ സഞ്ചരിക്കവേ പിന്നില്‍ നിന്നെത്തിയ ടോറസ് ഇടിക്കുകയായിരുന്നു. ഇടിയുടെ ആഘാതത്തില്‍ ടോറസിനടിയിലേക്ക് വീണ ഷൈനിയുടെ ദേഹത്ത് കൂടി വണ്ടി കയറി ഇറങ്ങി തല്‍ക്ഷണം മരണം സംഭവിച്ചു. മകന്‍ അഖില്‍ നിസാര പരുക്കുകളോടെ രക്ഷപ്പെട്ടു. മൃതദേഹം കോട്ടയം മെഡിക്കല്‍ കോളജ് ആശുപത്രി മോര്‍ച്ചറിയിലേക്ക് മാറ്റി.