പത്തനംതിട്ട: പത്തനംതിട്ടയിലെ റോഡ് ഷോയ്ക്ക് രാഹുല്‍ ഗാന്ധി ഉപയോഗിച്ചത് കരള കോണ്‍ഗ്രസ്(എം) നേതാവിന്റെ വാഹനം. രാഹുലിന്റെ പ്രചാരണത്തിനാണ് കേരള കോണ്‍ഗ്രസ്(എം) ജില്ലാ പ്രസിഡന്റ് എന്‍.എം രാജുവിന്റെ കാര്‍ ഉപയോഗിച്ചത്. കെ.എല്‍ 10 ബി.ഇ 4455 എന്ന നമ്പറിലുള്ള കിയാ കാര്‍ണിവല്‍ വാഹനമാണ് രാഹുല്‍ റോഡ് ഷോയ്ക്ക് ഉപയോഗിച്ചത്.

ഇടതുപക്ഷ ജനാധിപത്യ മുന്നണിയുടെ ഭാഗമായിരിക്കെ കേരള കോണ്‍ഗ്രസ്(എം) നേതാവ് കോണ്‍ഗ്രസിന്റെ ദേശീയ നേതാവിന് തെരഞ്ഞെടുപ്പ് പ്രചാരണത്തിന് സ്വന്തം കാര്‍ വിട്ടുനല്‍കിയതിനെതിരേ വലിയ വിമര്‍ശനമാണ് ഉയര്‍ന്നിരിക്കുന്നത്. അതേസമയം ഡീലര്‍ എന്ന നിലയിലാണ് വാഹനം നല്‍കിയതെന്ന് എന്‍.എം രാജു പറഞ്ഞു.