കൊച്ചി: പി.വി അന്‍വര്‍ എം.എല്‍.എയെ എന്‍ഫോഴ്‌സ്‌മെന്റ് ഡയറക്ട്രേറ്റ് ചോദ്യം ചെയ്യുന്നു. ഇ.ഡിയുടെ കൊച്ചി ഓഫീസിലാണ് ചോദ്യം ചെയ്യല്‍. കര്‍ണാടകയിലെ ക്രഷര്‍ ഇടപാട് കേസുമായി ബന്ധപ്പെട്ടാണ് ചോദ്യം ചെയ്യുന്നത്.

ക്രഷര്‍ ബിസിനസില്‍ പാങ്കാളിയാക്കാമെന്ന് പറഞ്ഞ് പ്രവാസി എന്‍ഞ്ചിനീയറുടെ കയ്യില്‍ നിന്ന് 50 ലക്ഷം രൂപ തട്ടിയെടുത്തുവെന്നതാണ് പരാതി. പരാതിയില്‍ ഇ.ഡി നേരത്തെ കേസെടുത്തിരുന്നു.

പിന്നാലെയാണ് ചോദ്യം ചെയ്യല്‍.നേരത്തെ ഇതു സംബന്ധിച്ചുള്ള പരാതിയില്‍ ക്രൈംബ്രാഞ്ച് അന്വേഷണം നടത്തുകയും പി.വി അന്‍വര്‍ കുറ്റക്കാരനാണെന്ന് കണ്ടെത്തി പ്രാഥാമികാന്വേഷണ റിപ്പോര്‍ട്ട് സമര്‍പ്പിക്കുകയും ചെയ്തിരുന്നു.