ഹൈദരാബാദ്: ന്യൂസിലാന്‍ഡിനെതിരായ പരമ്പരയിലെ ആദ്യ ഏകദിനത്തില്‍ ഇന്ത്യക്ക് കൂറ്റന്‍ സ്‌കോര്‍. ശുഭ്മാന്‍ ഗില്ലിന്റെ ഇരട്ടസെഞ്ച്വറിയുടെ (208) പിന്‍ബലത്തിലാണ് ഇന്ത്യ കൂറ്റന്‍ സ്‌കോറിലേക്ക് കടന്നത്. എട്ട് വിക്കറ്റ് നഷ്ടത്തില്‍ 349 റണ്‍സാണ് ഇന്ത്യ അടിച്ചുകൂട്ടിയത്. 149 പന്തില്‍ ഒമ്പത് സിക്‌സറുകളും 19 ബൗണ്ടറികളും ഉള്‍പ്പെട്ടതായിരുന്നു ഗില്ലിന്റെ ബാറ്റിങ്.

അവസാന ഓവറിലെ രണ്ടാം പന്തിലാണ് ഗില്‍ പുറത്തായത്. ഏകദിനത്തില്‍ ഇരട്ട സെഞ്ച്വറി നേടുന്ന പ്രായംകുറഞ്ഞ കളിക്കാരനാണ് 23കാരനായ ഗില്‍. ക്യാപ്റ്റന്‍ രോഹിത് ശര്‍മ (34), സൂര്യകുമാര്‍ യാദവ് (31), ഹാര്‍ദിക് പാണ്ഡ്യ (28) എന്നിവരും ഭേദപ്പെട്ട പ്രകടനം കാഴ്ചവെച്ചു. വിരാട് കോഹ്ലി എട്ട് റണ്‍സെടുത്ത് പുറത്തായി. ന്യൂസിലാന്‍ഡിന് വേണ്ടി ഹെന്‍ട്രി ഷിപ്ലി, ഡാരില്‍ മിച്ചല്‍ എന്നിവര്‍ രണ്ടുവീതം വിക്കറ്റെടുത്തു.