വണ്ടൂര്‍:വാണിയമ്പലം സി.കെ.എ ജി.എല്‍.പിസ്‌കൂളില്‍ പ്രിസൈഡിങ് ഓഫിസര്‍ കുഴഞ്ഞു വീണു. 44എ ബൂത്തില്‍ ആയിരുന്നു സംഭവം. പ്രിസൈഡിങ് ഓഫിസര്‍ ആന്റണി ആണ് കുഴഞ്ഞു വീണത്.

ബൂത്തില്‍വോട്ടിങ് മെഷീന്‍ തകരാറിലായതിനെ തുടര്‍ന്ന് ഒരുമണിക്കൂറോളം വോട്ടിങ് മുടങ്ങുകയും ചെയ്തു.
രാവിലെ ഏഴുമണിക്ക് വോട്ടിങ് ആരംഭിക്കുന്ന സമയത്ത് തന്നെയാണ് മെഷിന്‍ തകരാറിലായിരുന്നു. ഇതോടെ വോട്ടിങ് ഒരു മണിക്കൂര്‍ വൈകിയാണ് നടന്നത്.

പിന്നീട് വോട്ടിങ് പുരോഗമിക്കുന്നതിനിടെ പ്രിസൈഡിങ് ഓഫിസര്‍ കുഴഞ്ഞു വീഴുകയായിരുന്നു.
തുടര്‍ന്ന് ഇദ്ദേഹത്തെ സമീപത്തെ ആശുപത്രിയില്‍ എത്തിച്ച് പ്രാഥമിക ചികിത്സ നല്‍കിയതിന് ശേഷം വീണ്ടും ബൂത്തില്‍ എത്തിച്ചു. ഈ സമയത്ത് മറ്റൊരു പ്രിസൈഡിങ് ഓഫിസര്‍ ചുമതലയേറ്റിരുന്നു.