ധൻബാദ്: ഝാർഖണ്ഡിലെ ധൻബാദിൽ അപ്പാർട്മെന്റിലുണ്ടായ തീപിടിത്തത്തിൽ 14 പേർക്ക് ദാരുണാന്ത്യം. മരിച്ചവരിൽ 10 സ്ത്രീകളും മൂന്നു കുട്ടികളുമുണ്ടെന്നാണ് റിപ്പോർട്ട്. 11 പേർക്ക് പൊള്ളലേറ്റു. ഇവരെ ആശുപത്രിയിലേക്ക് മാറ്റി. അപ്പാർട്മെന്റിൽ കൂടുതൽപ്പേർ കുടുങ്ങിക്കിടക്കുന്നതായാണ് പ്രാഥമിക വിവരം.

ധൻബാദ് ജില്ലയിലെ ജോറാഫടക് പ്രദേശത്തെ ആശീർവാദ് ടവർ എന്ന അപ്പാർട്മെന്റിന്റെ രണ്ടാം നിലയിൽ ചൊവ്വാഴ്ച വൈകീട്ട് ആറോടെയാണ് സംഭവം. ഝാർഖണ്ഡ് തലസ്ഥാനമായ റാഞ്ചിയിൽനിന്ന് 160 കിലോമീറ്റർ അകലെയാണിത്.

സംഭവത്തിൽ ഝാർഖണ്ഡ് മുഖ്യമന്ത്രി ഹേമന്ത് സോറൻ അനുശോചിച്ചു. പരിക്കേറ്റവർക്ക് ചികിത്സ നൽകുന്നുണ്ടെന്നും അദ്ദേഹം അറിയിച്ചു. അതേസമയം, 50 പേരെങ്കിലും അപ്പാർട്മെന്റിൽ കുടുങ്ങിക്കിടക്കുന്നതായി മുൻ മുഖ്യമന്ത്രി ബാബുലാൽ മറാണ്ടി ട്വീറ്റ് ചെയ്തു