കോഴിക്കോട്: അധ്യാപകരും വിദ്യാര്‍ഥികളും മാറ്റുരയ്ക്കുന്ന ജില്ലാ ടി.ടി.ഐ, പി.പി.ടി.ടി.ഐ കലോത്സവം 22ന് ഫാറൂഖ് കോളജില്‍ നടക്കും. ജില്ലയിലെ 15 ടി.ടി.ഐകളില്‍ നിന്നുള്ളവര്‍ മത്സരത്തില്‍ പങ്കെടുക്കും. സംഘഗാനം, ലളിതഗാനം, മാപ്പിളപ്പാട്ട്, മോണോആക്ട്, മലയാളം പദ്യപാരായണം, പ്രസംഗം, പ്രഭാഷണം എന്നീ സ്റ്റേജിനങ്ങളിലാണ് മത്സരം. സ്റ്റേജിതര മത്സരങ്ങള്‍ നേരത്തെ പൂര്‍ത്തിയായി. സെപ്റ്റംബറില്‍ സംസ്ഥാനതല മത്സരങ്ങള്‍ നടക്കും.
കലോത്സവത്തിന്റെ ഉദ്ഘാടനം 22ന് രാവിലെ 10ന് പി.സി ജോര്‍ജ്ജ് എം.എല്‍.എ നിര്‍വഹിക്കും. ചടങ്ങില്‍ ഡി.ഡി.ഇ ഡോ. ഗിരീഷ് ചോലയില്‍ അധ്യക്ഷനാകും. വാര്‍ത്താസമ്മേളനത്തില്‍ ഫാറൂഖ് കോളജ് ടി.ടി.ഐ പ്രിന്‍സിപ്പല്‍ എ.പി അബ്ദുല്‍ ഖാദര്‍, അധ്യാപകരായ പി. നിധിന്യ, ഉണ്ണികൃഷ്ണന്‍, വിദ്യാര്‍ഥി യൂനിയന്‍ ചെയര്‍പേഴ്‌സന്‍ റഫ്ഖാന സംബന്ധിച്ചു.