മലപ്പുറം: കെ.എം ഷാജിയുടെ വീട്ടിലെ റെയ്ഡ് രാഷ്ട്രീയപ്രേരിതമെന്ന് മുസ്ലിം ലീഗ് നേതാവ് പി.കെ കുഞ്ഞാലിക്കുട്ടി. റെയ്ഡ് അനവസരത്തിലാണെന്നും കണ്ണൂര്‍ കൊലപാതകത്തില്‍ നിന്ന് ശ്രദ്ധ തിരിക്കാന്‍ വേണ്ടിയായിരുന്നു ഇതെന്ന് സംശയിക്കണമെന്നും അദ്ദേഹം ചൂണ്ടിക്കാട്ടി.

തെരെഞ്ഞടുപ്പ് ചെലവിലേക്ക് സ്ഥാനാര്‍ത്ഥികള്‍ ചെറിയ ചെറിയ തുകകള്‍ ശേഖരിച്ച് വെക്കുന്നത് പതിവുള്ളത്. കണ്ണൂരിലെ രാഷ്ട്രീയ സാഹചര്യം വെച്ചാണ് ഷാജിക്കെതിരായ പ്രത്യേക നീക്കം നടക്കുന്നത്. കൊലപാതകത്തെ വിമര്‍ശിച്ചതാണ് കെ എം ഷാജിക്കെതിരായ ഇത്തരമൊരു നീക്കത്തിന് കാരണമെന്നും കുഞ്ഞാലിക്കുട്ടി ആരോപിച്ചു. പാര്‍ട്ടിയുടെ പൂര്‍ണ പിന്തുണ ഷാജിക്കുണ്ടെന്നും അദ്ദേഹം ഇപ്പോള്‍ നടത്തുന്ന പോരാട്ടങ്ങള്‍ പാര്‍ട്ടി പിന്തുണച്ചിട്ടാണെന്നും കുഞ്ഞാലിക്കുട്ടി കൂട്ടിച്ചേര്‍ത്തു.

കെ ടി ജലീലിന്റെ രാജി വൈകിപ്പോയെന്നും അദ്ദേഹം പറഞ്ഞു. നിര്‍വാഹമില്ലാതെ ആയപ്പോഴായിരുന്നു രാജി. ഇത് കോടതി പുറത്താക്കിയതുപ്പോലെയായി എന്നും കുഞ്ഞാലിക്കുട്ടി കൂട്ടിച്ചേര്‍ത്തു.