മണ്ണാര്‍ക്കാട്: അട്ടപ്പാടിയില്‍ എക്‌സൈസും വനം വകുപ്പും ചേര്‍ന്ന് നടത്തിയ റെയ്ഡില്‍ 1400 ലിറ്റര്‍ വാഷും, വാറ്റാനുപയോഗിച്ച സാധനങ്ങളും പിടികൂടി നശിപ്പിച്ചു.
പുതൂര്‍ പഞ്ചായത്തിലെ മേലെചൂട്ടറ ഊരിന് സമീപമുള്ള ഒലവങ്കര പുഴയുടെ കരയിലെ രണ്ടു ഗുഹകളിലായി സൂക്ഷിച്ച നിലയിലായിരുന്നു സാധനങ്ങള്‍.
രഹസ്യ വിവരത്തെ തുടര്‍ന്ന് റെയ്ഡ് നടത്തിയത്. എന്നാല്‍ പ്രതികളെയാരെയും പിടികൂടാന്‍ കഴിഞ്ഞിട്ടില്ല. അട്ടപ്പാടി ജനമൈത്രി എക്‌സൈസ് സ്‌ക്വാഡിന്റെ നേതൃത്വത്തില്‍ പുതൂര്‍ ഫോറസ്റ്റ് റെയ്ഞ്ച്, മണ്ണാര്‍ക്കാട് എക്‌സൈസ് സര്‍ക്കിള്‍ ഓഫിസ്, അഗളി എക്‌സൈസ് റെയ്ഞ്ച് ജീവനക്കാരായ എക്‌സൈസ് ഇന്‍സ്‌പെക്ടര്‍ പി. സാജു, പ്രിവെന്റീവ് ഓഫിസര്‍മാരായ എം. യൂനസ്, കെ. ജഗദീഷന്‍, എന്‍. ഗോപകുമാര്‍, സിവില്‍ എക്‌സൈസ് ഓഫിസര്‍മാരായ പി. അജിത് കുമാര്‍, ആര്‍. പ്രദീപ്, ഡ്രൈവര്‍ എസ്. പ്രദീപ്, ഇബ്രാഹീം ബാദുഷ, എന്‍. മോഹന്‍ദാസ്, കെ. കുമാരന്‍, കൃഷ്ണമൂര്‍ത്തി നേതൃത്വം നല്‍കി.